Tergeý aıaqtaldy. Qylmystyq istiń materıaldary sotqa ótkizildi.
Almatyda JKO jasaǵan Mercedes júrgizýshisi eki jyl alty aı merzimge bas bostandyǵynan aıyryldy, – dep habarlaıdy Polisia.kz-ke silteme jasaǵan Almaty-akshamy.kz.
Anyqtaý basqarmasynyń habarlaýynsha, bul fakt 2020 jyly 12 qarashada túnde Rysqulov dańǵylynyń boıymen shyǵysqa qaraı, Sháripova men Saın kósheleriniń aralyǵynda bolǵan.
«Kýágerlerdiń aıtýynsha, dańǵyl boıymen eki sheteldik kólik ózara jarys uıymdastyrǵan. Mercedes E-class avtokóliginiń júrgizýshisi Sháripov kóshesinen ótip bara jatyp, kenetten kólikti basqara almaı qaldy, onyń kóligi jolda aınalyp, sodan keıin bólingen kógalǵa ushyp ketti, sol jerde temir qorshaýdyń on shaqty bóligin buzyp, keri jolǵa qaraı shyqty. Jol-kólik oqıǵasy saldarynan Mercedes kóliginiń aldyńǵy oryndyǵynda otyrǵan jolaýshy sol jerde qaıtys boldy: ony tipti salonǵa ornalastyrylǵan qaýipsizdik jastyqtary da qutqara almady. Shotaevtyń is áreketi QR QK-niń 345-baby 3-bólimi jáne 347-baby boıynsha qaraldy. Tergeý aıaqtaldy. Qylmystyq istiń materıaldary sotqa ótkizildi», – dep habarlady Almaty qalasy polısıa departamenti bastyǵynyń orynbasary Rústem Ábdrahmanov.