Qazaqstanda onkologıalyq aýrýlardy dıagnostıkalaý jáne emdeý tegin medısınalyq kómektiń kepildik berilgen kólemine (TMKKK) kiredi.
Osylaısha, barlyq onkologıalyq pasıentter – Qazaqstan azamattary MÁMS mártebesine qaramastan onkologıalyq aýrýlardy tegin emdeýge quqyly.
Onkologıalyq pasıentterdi dári-dármekpen qamtamasyz etý, dıagnostıkalaý jáne emdeý memleket tarapynan tólenedi. Tegin medısınalyq kómektiń kepildik berilgen kólemi (TMKKK) sheńberinde pasıentke eshteńe tóleýdiń qajeti joq, dep habarlaıdy aqshamnews.kz.
Eger pasıent onkologıalyq jáne gematologıalyq aýrýǵa kúdiktense, MSAK-ta (emhanalarda) pasıentterge 18 jumys kúni ishinde konsýltasıa alýǵa jáne tekserýden ótýge múmkindik beretin «jasyl dáliz» baǵyty engizildi.
Qazirgi ýaqytta Qazaqstan halqy úshin onkologıalyq skrınıngtiń 3 túri bar:
1) sút bezi obyryna skrınıng (40 jastan 70 jasqa deıingi áıelder, 2 jylda 1 ret)
2) jatyr moıny obyryna skrınıng (30 jastan 70 jasqa deıingi áıelder, 4 jylda 1 ret)
3) kolorektaldyq obyrǵa skrınıng (50 jastan 70 jasqa deıingi erler men áıelder, 2 jylda 1 ret).
Onkologtar qazaqstandyqtardy emhanalarda únemi tegin onkologıalyq skrınıngterden ótýge shaqyrady.
Eger onkologıalyq aýrýǵa kúdik bolsa, dereý turǵylyqty jeri boıynsha óz emhanasyna, sondaı-aq turǵylyqty jeri boıynsha onkologıalyq ortalyqqa (onkodıspanserge) júginý qajet.