Fýtboldan Marokko quramasy álem chempıonatynda qola medal alǵan 15-shi qurama atanýy múmkin, dep habarlaıdy Almaty-akshamy.kz Inform.kz-ke silteme jasap.
Qazirge deıin 14 qurama úshinshi oryn alyp, qola júldege qol sozdy. Olardyń qatarynda Germanıa 4 márte (1934, 1970, 2006, 2010) atalǵan medal ıegeri atansa, Brazılıa (1938, 1978), Fransıa (1958, 1986), Shvesıa (1950, 1994), Polsha (1974, 1982) eki-ekiden sol jetistikti qaıtalady.
Al AQSH (1930), Avstrıa (1954), Chılı (1962), Portýgalıa (1966), Italıa (1990), Horvatıa (1998), Túrkıa (2002), Nıderland (2014), Belgıa (2018) bir-birden úzdik úshtikti túıindedi.
Marokko quramasy bıyl álem chempıonatyna altynshy márte qatysty. Buǵan deıin 1986 jyly 1/8 fınalǵa deıin jetken edi.
Bıylǵy dop dodasynyń toptyq kezeńinde Marokko Horvatıamen 0:0 esebimen teń túsip, Belgıany 2:0, Kanadany 2:1 esebimen jeńdi.
1/8 fınalda Ispanıamen 0:0 esebimen teń oınap, penaltı tebýden mergendik tanytty.