Goldman Sachs bankiniń boljamynsha, 2023 jyly shıkizat baǵasy usynystyń bolmaýy jáne jańa jetkizilimderge ınvestısıanyń jetkiliksizdigi saldarynan rekordtyq deńgeıge jetedi, dep habarlaıdy Almaty-akshamy.kz Inform.kz-ke silteme jasap.
Sarapshylardyń pikirinshe, 2023 jyldyń birinshi toqsany ekonomıkanyń baıaýlaýyna baılanysty qıyn bolýy múmkin. Biraq munaı-gaz ónerkásibi men metalýrgıaǵa salynatyn ınvestısıa kólemi tómendep, shıkizattaǵy «sýper sıkldi» qoldaý jalǵasady.
Bank málimdemesine qaraǵanda, munaı, gaz jáne negizgi metaldar bastaǵan S&P taýar ındeksi kelesi jyly 43% kiristi kórsetedi. 2023 jyly shıkizat taýarlary eń tabysty aktıv klasy bolady.
Goldman Sachs jáne ónerkásip alpaýyttary ókilderiniń pikirinshe, energetıkaǵa kóshý úshin qajetti negizgi metaldardyń baǵasy taıaý jyldary kútiletin tapshylyq jaǵdaıynda da ósedi.
Osy aıdyń basynda taý-ken ónerkásibi jáne taýar óndirýshi alpaýyt Glencore mys tapshylyǵy tónip turǵanyn, al kenishtiń damýy aıtarlyqtaı artta qalǵanyn málimdedi. Glencore halyqaralyq energetıkalyq agenttiginiń (HEA) esebinshe, nóldik emısıa jospary boıynsha 2022-2030 jyldar aralyǵynda dúnıe júzinde 50 mln tonnadan astam mys tapshylyǵy bolady.
Goldman Sachs sondaı-aq jeltoqsan aıynyń basynda naryqtyń tyǵyzdyǵy jaǵdaıynda mys baǵasy 2023 jyly buryn-sońdy bolmaǵan joǵary deńgeıge jetkenin aıtty. Bank mys baǵasy bıylǵy jyldyń naýryz aıynda tonnasy 10 845 dollarǵa jetken rekordtyq kórsetkishten bıyl 11 myń dollarǵa jetedi dep boljaýda.