Onda Memleket basshysy Álemdik jáne dástúrli dinder kóshbasshylary VII seziniń maqsaty týraly jazǵan.
Prezıdent atap ótkendeı, qazirgi kúrdeli jaǵdaıda memleketter arasynda kedergiler týyndatqannan góri baılanys ornatý qajet, dep habarlaıdy Almaty-akshamy.kz.
«Bizdiń senimimiz beıbitshilikke umtylys kezinde sheshýshi ról atqardy. Janashyrlyq, áleýmettik ádildik jáne adamgershilik sekildi qundylyqtar bárimizge ortaq. Álemde beıbitshilik ornatý úshin bul óte mańyzdy. Qazirgi jahandaný kezeńinde túrli qaıshylyqtarǵa qaramastan, qalyptasqan kelispeýshilikterdi eńsere alamyz», -dep jazdy Prezıdent.
Qasym-Jomart Toqaevtyń sózinshe, dinı ártúrlilik birlikkke kedergi bola almaıdy. Maqalada Prezıdent aımaqta beıbitshilik pen qaýipsizdikti qalypqa keltirý úshin din kóshbasshylary ortaq uıǵarymǵa keledi dep senedi. Jáne osyǵan kúsh biriktiredi dep úmittenedi.
«Qazaqstan forýmdy uıymdastyrýshy el retinde osy basymdyqtardy qoldaıdy. Eýrazıanyń júreginde senim ornatý óte mańyzdy. Qazirgi kúrdeli jaǵdaıda biz kedergi emes, memleketter arasynda kópir bolýǵa tyrysýymyz kerek. Qandaı da bir kelispeýshiligi bar taraptardy biz kelissóz úshin Qazaqstanǵa shaqyramyz. Zorlyq-zombylyq pen jekkórýshilik – Jaratýshynyń qalaýy emes», - dep jazdy Memleket basshysy.