Infeksıa juqtyrý jaǵdaılarynyń sany azaıdy.
Pandemıa jýyq arada aıaqtalýy múmkin. Bul týraly sársenbide Jenevada ótken brıfıńte Dúnıejúzilik densaýlyq saqtaý uıymynyń bas dırektory Tedros Gebreıesýs málimdedi, dep habarlaıdy Almaty-akshamy.kz QR Densaýlyq saqtaý mınıstrligi Sanıtarıalyq-epıdemıologıalyq baqylaý komıtetine silteme jasap.
Onyń aıtýynsha, ótken aptada álemde COVID-19 saldarynan ólim-jitim 2020 jyldyń naýryzynan bergi kórsetkishten mınımýmǵa deıin azaıdy.
Spıker pandemıamen kúresti marafonmen salystyrdy: «Biz máre syzyǵyn kórip otyrmyz. Jeńiske jaqynbyz. Biraq qazirgi qatelik júgirýdi toqtatý bolar edi».
Tedros Gebreıesýs barlyq eldi qaýipti toptaǵy azamattardyń, sonyń ishinde medısına qyzmetkerleri men qarttardy tolyǵymen vaksınalaýǵa shaqyrdy. Onyń aıtýynsha, bul - árbir memlekettegi halyqtyń keminde 70% vaksınalaýǵa qatysty DDU alǵa qoıǵan maqsatqa jetýdegi basym mindet.
DDU málimeti boıynsha, ótken aptada álemde 3,1 mıllıonnan astam adam COVID-19 juqtyrdy, shamamen 11 myń adam qaıtys boldy. Infeksıa juqtyrý jaǵdaılarynyń sany aldyńǵy jeti kúnmen salystyrǵanda 28%, al ólim-jitim 22% azaıdy.