Memleket basshysy Qasym-Jomart Toqaev Ulttyq quryltaı otyrysynda ótken reforma men jańǵyrtý úderisterine toqtalyp, mańyzdy ózgerister men jetistikterdi atap ótti, dep habarlaıdy aqshamnews.kz
«Osydan úsh jyl buryn naýryz aıynda arnaıy Joldaý jarıaladym, ony bilesizder. Elimizdi túbegeıli jańǵyrtý úshin aýqymdy reforma jasaıtynymyzdy aıttym. Sol kezde alǵash ret Ulttyq quryltaı týraly bastama kóterdim», – dedi Prezıdent.
Memleket basshysy úsh jyl ishinde Qazaqstannyń jańa turpatty elge aınalǵanyn aıtty. Ol saıası reformalardyń eldegi jan-jaqty ózgeristerge múmkindik bergenin atap ótti. Joldaýdyń aıasynda jalpyulttyq referendým arqyly Ata zańǵa túzetýler engizilgeni, Parlamenttiń quzyreti keńeıip, Úkimettiń jaýapkershiligi artqany aıtyldy.
Sonymen qatar, Adam quqyqtaryn qorǵaý júıesiniń jaqsarǵany, Konstıtýsıalyq sottyń qurylǵany jáne azamattardyń sheshim qabyldaý úderisine belsene qatysýyna múmkindik týǵany da sóz boldy.
Prezıdenttiń aıtýynsha, osy jáne basqa da mańyzdy reformalar elimizdi jańǵyrtý jáne onyń damýy úshin zor mańyzǵa ıe.