Qasym-Jomart Toqaev Ulttyq quryltaı otyrysynda sóz sóılep, barsha qazaqstandyqtardy Amal kúnimen quttyqtady, dep habarlaıdy aqshamnews.kz
«Eń aldymen, búgin Amal kúni barshańyzǵa qutty bolsyn degim keledi. Qystan aman-esen shyǵyp, aǵaıyn-baýyrmen kórisý – ejelden kele jatqan ata dástúrimiz. Bul kún – Áz-Naýryzdyń bastaýy. Elimizdiń tól merekesi bıyl da qasıetti Oraza aıyna oraılas kelip otyr», – dedi Prezıdent.
Qasym-Jomart Toqaev merekelerdiń halqymyzdy ıgi amaldar jasaýǵa jáne asyl qasıetterimizdi dáripteýge baǵyttaıtynyn atap ótti. Ol sondaı-aq, Ulttyq quryltaıdyń osyndaı qasıetti merekelermen qatar ótip jatqany jaqsylyqtyń nyshany ekenin aıtty.
Ulttyq quryltaı otyrysy elimizdegi mańyzdy máselelerdi talqylaý jáne halqymyzdyń ıgiligi úshin sheshimder qabyldaý alańy bolyp tabylady.