Búgin Prezıdent Astanada ótip jatqan «Jumysshy mamandyqtarynyń qalasyn» aralap kórdi. Atalǵan is-sharada Memleket basshysy elimizdiń tynyshtyǵy men turaqtylyǵy eń basty qundylyq ekenine nazar aýdardy, dep habarlaıdy aqshamnews.kz.
– Biz «Birligimiz – áralýandyqta» ıdeologıasyn temirqazyq etip ustanyp otyrmyz. Ultymyz ben nanym-senimimiz ártúrli ekenine qaramastan, bir qoǵamda tutas halyq bolyp ómir súremiz. Men barshańyzdy osynaý tereń úderisti tolyq túsinýge shaqyramyn. Sonda ǵana tabysqa jete alamyz. Qazir Ýkraına jóninde kóp aıtylyp jatyr. Biz alǵashqy kezden bastap osy soǵysty mindetti túrde toqtatý kerek, dıplomatıalyq kelissózder arqyly bir mámilege kelý qajet dep aıttyq. Bul ustanymymyz endi shyndyqqa aınaldy. Eki alpaýyt el saıası suhbat júrgize bastady. Bul – jaqsy úrdis. Ári Qazaqstanǵa paıdasyn tıgizedi. Sondyqtan biz muny meılinshe qoldaımyz, – dedi Q. Toqaev.