Toqaev qazaq-tatar baılanystarynyń qarqyndy damyp kele jatqanyn atap ótti.
Kezdesý barysynda Qazaqstan men Tatarstannyń saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn keńeıtý perspektıvalary dostyq rýhta talqylandy, dep habarlaıdy Almaty-akshamy.kz
Ekonomıkanyń mańyzdy sektorlaryndaǵy birlesken jobalardy Qazaqstan aýmaǵynda júzege asyrýǵa, elimizdiń zaýyttaryn Reseı Federasıasynyń óndiris júıesimen qatar damytýǵa basa mán berildi.
Sonymen qatar «KAMAZ» jáne «Tatneft» kompanıalarymen birlesken jobalardy júzege asyrý barysy qarastyryldy. Kezdesýge bul kompanıalardyń da basshylary qatysty.
Qasym-Jomart Toqaev Rýstam Mınnıhanovqa iltıpat bildire otyryp, óziniń Tatarstanǵa barǵan saparyn aıryqsha yqylaspen eske aldy. Onyń nátıjeleri yntymaqtastyqty odan ári nyǵaıtýǵa tyń serpin berdi.
«Ýaǵdalastyqtarymyzdyń qalaı júzege asyrylyp, kózdegen maqsatqa qalaı qol jetkizip jatqanymyzdy kórip otyrmyn. Bári de baqylaýda dep aıtýǵa bolady», – dedi Qazaqstan Prezıdenti.
2021 jyldyń qorytyndysy boıynsha Respýblıkamen aradaǵy taýar aınalymy 423 mıllıon dollar boldy. Bıylǵy tórt aıdyń ishinde 143 mıllıon dollarǵa jetti. Mashına jasaý salasyndaǵy iri jobalar tabysty júzege asyrylyp jatyr. Qazaqstan men Reseıdiń Óńiraralyq forýmy yntymaqtastyqty keńeıtýge jaqsy múmkindik beredi.
Óz kezeginde Rýstam Mınnıhanov Peterbýrg halyqaralyq ekonomıkalyq forým aıasynda kezdesýge múmkindik týǵyzǵanyna rızashylyǵyn bildirip, tatar kompanıalarynyń qazaqstandyq seriktesterimen yqpaldastyq ornatýyna qoldaý kórsetip jatqany úshin Qasym-Jomart Toqaevqa alǵys aıtty.
«Qazaqstan kompanıalarynyń Reseı naryǵyna Tatarstan arqyly kirýge múmkindik alýyna paıdamyzdy tıgizgimiz keledi. Biz tolyqqandy qoldaý kórsetip, yqpal etýge daıynbyz», – dedi Tatarstan Prezıdenti.