Aqmola oblysynyń turǵyndary bıe baılap, alǵashqy qymyz ishý rásimin atap ótti.
«Qymyzmuryndyq» dástúrine saı, jınalǵandar qymyz ishýden jarysty. 5 mınýttyń ishinde 10 tostaǵandy simirip, «Jyl kóltaýysary» ataǵy úshin talasty, dep habarlaıdy Almaty-akshamy.kz Qazaqtv.com silteme jasap.
Qazaq halqynyń bolmysy kórinis tapqan sharada ulttyq oıyndardan da jarys ótti. Shabandozdar báıgege túsip, palýandar beldesip, kókpar tartty.
"Buryn mundaı bolmaǵan shynyn aıtqanda. Qazir búkil aýdannyń halqy atsalysyp, kóptegen qostar tigildi. Bıelerdi baılap kelinder saýyp kórsetip jatyr tipti, umytylyp ketken dástúrlerdi", - deıdi Qorǵaljyn aýylynyń turǵyny Amangeldi Aýjanov.
"Kókparǵa 80-90 at qatysty. Aqmola oblysynyń túkpir-túkpirinen palýandar osy kókparǵa qatysty. Alaman báıgege (25 shaqyrym) 30-40 at qatysty", - deıdi Shalqar aýylynyń turǵyny Murager Ahmetbekov.
Qazaqtyń «qymyzmuryndyq» dástúri «bıe baılaý» men «aıǵyr qosý» joralǵylarymen birge 2018 jyly IýNESKO-nyń materıaldyq emes muralarynyń tizimine engen.