Prezıdent Qasym-Jomart Toqaev Saýd Arabıasy Koróldiginiń Taq murageri Muhammed ben Salman Ál Saýdpen telefon arqyly sóılesti.
Memleket basshysy men Taq murageri saýda-ekonomıkalyq jáne ınvestısıalyq baılanystardy jandandyrýǵa erekshe mán bere otyryp, eki memleket arasyndaǵy yntymaqtastyqty damytýdyń oń perspektıvalaryn atap ótti, dep habarlaıdy Almaty-akshamy.kz Aqordanyń resmı saıtyna silteme jasap.
Taraptar eki el arasyndaǵy saıası jáne ekonomıkalyq baılanystardy kúsheıtý mańyzdy dep sanaıdy.
Qasym-Jomart Toqaev munaı-hımıa, aýyl sharýashylyǵy, energetıka, qarjylyq qyzmet kórsetý jáne týrızm sıaqty salalardyń áleýeti zor ekenine nazar aýdardy.
Prezıdent Qasym-Jomart Toqaev Muhammed ben Salman Ál Saýdty elimizge saparmen kelýge shaqyrdy. Taq murageri shaqyrýdy iltıpatpen qabyl aldy.
Kóshbasshylar birin-biri qasıetti Ramazan aıymen quttyqtady.