Qazaqstan Respýblıkasynyń Cheh Respýblıkasyndaǵy Elshiligi men KAZAKH INVEST uıymdastyrǵan sapary aıasynda Almaty, Nur-Cultan qalalarynyń ákimdikterinde jáne «Qazaqstan temir joly» UK» AQ-da kezdesýler ótti. Onda cheh kompanıalary megapolısterdi kólikpen qamtamasyz etýdegi jáne qoǵamdyq kólikti jańǵyrtýdaǵy yntymaqtastyq perspektıvalaryn talqylady.
KAZAKH INVEST pen «Škoda Transportation» jáne «Elektrotechnika» cheh kompanıalarynyń ókilderi arasyndaǵy kezdesýde Qazaqstanda óndiristik qýatyn ornalastyrý perspektıvalary talqylandy, dep habarlaıdy Almaty-akshamy.kz QazAqparatqa silteme jasap.
Kezdesý barysynda «Škoda Transportation» óńirlik dırektory Roman Sorkın men «Elektrotechnika» bıznesti damytý jónindegi dırektory Lıbor Novak cheh delegasıasynyń Qazaqstanǵa saparyn uıymdastyrýǵa kómekteskeni úshin KAZAKH INVEST-ke alǵys aıtyp, ekijaqty ınvestısıalyq yntymaqtastyqqa qyzyǵýshylyq bildirdi.
Óz kezeginde «KAZAKH INVEST» UK» AQ basqarma tóraǵasy Meıirjan Iýsýpov mashına jasaý salasyndaǵy ınvestısıalyq jobalardy damytý Qazaqstan ekonomıkasynyń basym sektorlarynyń biri sanalatynyn atap ótip, jobalardy odan ári qoldaýdy rastady. Cheh kompanıalary strategıalyq jáne tehnologıalyq ınvestorlar retinde Qazaqstanda troleıbýstar men elektrobýstar óndirisin oqshaýlaý múmkindigin zerdeleýde.
«Škoda Transportation» kompanıasy - metro, tramvaı, troleıbýs, temirjol vagondary, elektr poıyzy jáne elektr avtobýstary sıaqty kólik túrleriniń jetekshi eýropalyq óndirýshileriniń biri. «Elektrotechnika» kompanıasy - metro men temirjol kóligine arnalǵan tramvaı jáne troleıbýs jelilerine arnalǵan ártúrli tıptegi tartqysh júıelerdiń iri óndirýshisi.