Prezıdent Almatyda ótip jatqan naýryzǵa qatysty
Búgin Memleket basshysy Qasym-Jomart Toqaev Almaty qalasynyń «Astana» alańynda ótip jatqan merekelik is-sharaǵa qatysyp, barsha Qazaqstan halqyn Ulystyń Uly kúnimen quttyqtady, dep habarlaıdy Almaty-akshamy.kz Almaty.tv-ge silteme jasap.
Memleket basshysy, bul meıram ejelden jaqsylyq pen jasampazdyqty dáripteıtin ulyq mereke ekenin atap ótti.
«Kún men tún teńelip, kúlli tabıǵat qaıta jańaratyn áz Naýryzdy qarsy alýǵa babalarymyz erekshe mán bergen. Jyl basyn – Ulystyń uly kúni dep ardaqtaǵan. Áz Naýryz – bereke-birliktiń, shynaıy janashyrlyqtyń jáne ózara qamqorlyqtyń meıramy. Men búgin Ulys kúnin ózderińizben birge qarsy alý úshin Almatyǵa arnaıy kelip otyrmyn. Almaty – Táýelsizdigimizdiń altyn besigi. Halqymyzǵa qaıta oralǵan Ulys toıyn merekeleý osy qasterli mekennen bastaldy. Almaty – qazaq eliniń rýhanı, mádenı jáne iskerlik ortalyǵy. Zıaly qaýymnyń, óner, bilim, ǵylym, bıznes salasynyń ókilderi osynda shoǵyrlanǵan», - dedi Prezıdent.