«Dándi daqyldardan sýret salý» sheberlik sabaǵy ótti
Bas botanıkalyq baqta relıkti ósimdikterdi jáne sándik butaqtylardy otyrǵyzý jumystary bastaldy, dep habarlaıdy Almaty-akshamy.kz.
Qazaqstannyń Bas botanıkalyq baǵynda relıkti ósimdikterdiń jáne sándik butaqtylardy otyrǵyzý jumystary bastaldy. Bul týraly Almaty qalasynda Orman sharýashylyǵy jáne janýarlar dúnıesi komıtetiniń ókilderimen ótken kezdesý barysynda Bas botanıkalyq baqtyń dırektory Gúlnara Sıtpaeva málimdedi. Bul koleksıalar Qazaqstan florasynyń relıkti jáne álemdik floranyń sándik butaqty biregeı túrlerimen qonaqtardy tanystyrýǵa baǵyttalǵan ǵylymı joba bolmaq. Sondaı-aq, ekspozısıondy jer bólimderi retinde de qyzmet atqarady.
Jıynda Orman sharýashylyǵy basqarmasynyń jetekshisi Mádı Nurpeıisov elimizdegi Bas botanıkalyq baqtyń jumys josparymen tanysyp, qyzmetkerlerdi Halyqaralyq orman kúnimen quttyqtady.
Kezdesýde Qazaqstannyń ósimdik resýrstaryn zertteý, saqtaý jáne qalpyna keltirý boıynsha ǵylymı jobalardy iske asyrý, Bas botanıkalyq baqtyń 2022 jylǵa arnalǵan jumys jospary talqylandy. Sonymen qatar ósimdikterdiń koleksıalyq qory tanystyryldy.
Aıta keteıik kezdesý sońynda Halyqaralyq Orman kúnine jáne Naýryz merekesine oraı Bas botanıkalyq baqtyń qyzmetkerleri kishkentaı búldirshinderge «Dándi daqyldardan sýret salý» sheberlik sabaǵyn ótkizdi.
