Roza Rymbaeva Imanbekpen yntymaqtastyq ornatqany týraly aıtty
Halyq ártisi Roza Rymbaeva jas ánshilerdi, mýzykanttardy qoldaýǵa árqashan daıyn ekenin málimdep, adamdardy meıirimdilik pen birlikke shaqyrdy
Belgili ánshi Roza Rymbaeva Qazaqstan halqyn Naýryz meıramymen quttyqtap, Imanbek ekeýi shyǵarǵan remıksti jurt nazaryna usyndy, dep habarlaıdy Almaty-akshamy.kz Almaty.tv-ge silteme jasap.
Roza Rymbaeva Imanbekpen yntymaqtastyq ornatqany týraly aıtty.
«Sizder úshin jaqsy jańalyǵym bar. Kim ne dese de, men elimizdiń estradasynda bolyp jatqan ózgeristerge úlken maqtanyshpen qarap, árqashanda jas ánshilerdi, mýzykanttardy qoldaýǵa daıynmyn. Biz Imanbek ekeýmiz birigip, «Naýryz-dýman» ániniń remıksin halyqtyń nazaryna usyndyq. Menińshe seriktestigimiz sátti shyqty. Sizderge de unaıdy degen senimdemin!» - dep jazdy Rymbaeva.
Ol adamdardy osyndaı tynyshsyz zamanda bir-birine qamqor bolýǵa, meıirimdilik kórsetip, ókpe-renishterge jol bermeýge shaqyrdy jáne «Bereke kózi – birlikte» ekenin eske saldy.