Mańǵystaý oblysyndaǵy ahýal ońaı emes. Bul týraly Úkimettiń keńetilgen otyrysynda QR Prezıdenti Qasym-Jomart Toqaev aıtty, dep habarlaıdy Almaty-akshamy.kz
«Oblystaǵy ahýal rasynda ońaı emes. Meniń tapsyrmam boıynsha osy óńirdi damytýǵa qatysty keshendi jospar qabyldandy. Bul qujat bıyl taǵy da pysyqtaldy. Soǵan sáıkes qomaqty qarjy bólý kózdelgen. Qarajat birinshi kezektegi mindetterdi sheshýge jumsalýy tıis. Sondyqtan isti sozbalańǵa salmaı dereý jumysqa kirisý kerek», - dedi QR Prezıdenti.
Memleket basshysynyń atap ótýinshe, qabyldanǵan sharalarǵa qaramastan, eńbek ujymdarynyń narazylyǵy kúsheıip keledi.
«Ony ashyq aıtý kerek. Jumysshylardyń barlyq talabyn muqıat qaraý kerek. Olardyń zańdy quqyqtary men múddeleri saqtalýǵa tıis. Kásipodaq jetekshilerimen jáne jumysshylary sherýge shyǵyp jatqan kompanıa ıelerimen syndarly dıalog ornatý qajet. Qabyldanǵan sheshimniń bárin qarapaıym jumysshylarǵa durystap túsindirý kerek. Problemamen aınalysýdy ákimdikke ǵana júktep qoıýǵa bolmaıdy. Olardy qoldap, týyndaǵan máseleni birlese qaraǵan jón. Narazylyq bildirgen azamattardyń problemalaryn sheshý úshin Úkimet pen «Samuryq-Qazyna» qory tyǵyz jumys isteýi tıis. Qajet bolsa úkimettik arnaıy komısıany taǵy da Mańǵystaý oblysyna jiberý kerek», - dedi Qasym-Jomart Toqaev.