Qazirgi kezde 432 myńǵa jýyq tirkelmegen mal basy bar.
«Aýyl sharýashylyǵy janýarlaryn birdeılendirý» aqparattyq júıesinde «Jasyl dáliz-3» fýnksıonaly iske qosyldy. Ol 2022 jyldyń 31 mamyryna deıin jumys isteıtin bolady, dep habarlaıdy Almaty-akshamy.kz.
Veterınarıa salasynyń qyzmetkerleri oqytyldy, júıede tirkeýge jatatyn aýyl sharýashylyǵy janýarlaryn sáıkestendirý úshin JAO basqarmalary qosalqy jáne fermerlik sharýashylyqtardy aralaýdy bastady.
«Jasyl dálizdiń» ashylýy aýyl sharýashylyǵy janýarlaryn birdeılendirý qaǵıdalaryna sáıkes, 2000-2021 jyldar aralyǵyndaǵy týǵan kúni dıapazonymen AJB aqparattyq júıesinde tirkelmegen janýarlardy sáıkestendirý jáne tirkeý jónindegi jumysty aıaqtaýǵa múmkindik beredi. Jedel derekter boıynsha, búgingi tańda elimizde 432 myńǵa jýyq tirkelmegen mal basy bar», - delingen ASHM baspasóz qyzmetiniń habarlamasynda.
Sonymen qatar, QR ASHM Veterınarlyq baqylaý jáne qadaǵalaý komıtetine júıege túzetýler engizý algorıtmin ázirleý, tirkelmegen mal basyn AJB derekter bazasynda zańdastyrý, AJB mobıldi qosymshasyn paıdalaný bóliginde (tehnıkalyq daıyndyǵyna qaraı) aýyl sharýashylyǵy janýarlaryn birdeılendirý erejeleri men derekter bazasyn qalyptastyrý jáne júrgizý qaǵıdalaryna ózgerister engizý boıynsha jumys isteýdi tapsyryldy.
Esterińizge sala keteıik, «Jasyl dáliz-2» aıasynda júrgizilgen jumystardyń qorytyndysy boıynsha qosymsha 71 343 aýyl sharýashylyǵy maly tirkelgen.