Kezdesý qorytyndysy boıynsha Ózara túsinistik týraly memorandýmǵa qol qoıyldy.
Eki el basshylaryna otandyq IT-sheshimder tanystyryldy. Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın prezıdentterge memlekettik organdardyń azamattarmen tıimdi qarym-qatynas jasaýyna múmkindik beretin IT-platformalar jóninde málimet berdi, dep habarlaıdy Almaty-akshamy.kz
Atap aıtqanda, sábıdiń dúnıege kelgenin tirkeý úshin qujat berýge, sondaı-aq jyljymaıtyn múlik pen kólikti rásimdeýge proaktıvti ótinim berýdiń úlgileri kórsetildi. Eki eldiń basshylaryna azamattardyń ótinim berýine arnalǵan e-Otinish platformasy jáne jer qoınaýyn paıdalanýshy sýbektilerdiń qyzmetindegi ashyqtyqty qamtamasyz etýge, sondaı-aq paıdalanylmaıtyn aýyl sharýashylyǵy jerlerin anyqtaýǵa múmkindik beretin ǵaryshtan monıtorıń júrgizý júıesi tanystyryldy.
Sonymen qatar Qazaqstan men Tájikstan prezıdentterine «Otbasynyń sıfrlyq kartasy» jobasynyń júzege asyrylý barysy baıandaldy. Bul joba – quramyna áleýmettik ál-aýqattyń 100 kórsetkishi jáne ortalyq memlekettik organdardyń 20 derekter qory kiretin biregeı derekqor. Derekqor barlyq otbasyny ál-aýqattyń bes deńgeıi boıynsha jikteýge jáne olarǵa proaktıvti formatta ataýly áleýmettik kómek kórsetýge múmkindik beredi.
Kezdesý qorytyndysy boıynsha Ózara túsinistik týraly memorandýmǵa qol qoıyldy. Bul qujat aıasynda Qazaqstannyń Sıfrlyq damý, ınovasıalar jáne aeroǵarysh ónerkásibi mınıstrligi Tájikstannyń Ónerkásip jáne jańa tehnologıalar mınıstrligimen elektrondyq úkimet platformasyn júzege asyrý tájirıbesin bólisedi. Sondaı-aq yntymaqtastyq aıasynda tájik mamandaryn Qazaqstannyń aldyńǵy qatarly IT-mektepteri men ǵylymı-zertteý ınstıtýttarynda oqytý múmkindigi qarastyrylady. Emomalı Rahmon Tájikstanda sıfrlyq tehnologıalardy damytý isine qoldaý kórsetkeni úshin Qasym-Jomart Toqaevqa rızashylyǵyn bildirdi.