Tárkilengen zattyń jalpy salmaǵy shamamen 5 tonna.
Balqash aýdany, Aqbaılaý aýylynyń aýmaǵynda esirtki ósimdikterin zańsyz ósirý faktisin anyqtaldy, dep habarlaıdy Almaty-akshamy.kz
Bul derekti 2023 jyly 25 tamyzda Almaty oblysy PD Esirtkige qarsy kúres qyzmetkerleri óńirdegi UQK departamenti qyzmetkerlerimen birlesip anyqtaǵan.
"Atalǵan derek QR QK 300-baby 4-bóligi boıynsha aýdandyq polısıada tirkeldi. 1951 jylǵy D. esimdi joǵaryda atalǵan ýchaskeniń ıesi ustaldy", - dedi Almaty oblysy PD bastyǵy Baýyrjan Alenov.
Kúdiktiniń aýdany 1 gektar jer ýchaskesinde quramynda esirtki zattary bar ósirýge tyıym salynǵan ósimdikterdi zańsyz ósirý faktisi anyqtaldy.
"Sondaı-aq tintý barysynda eki ıir oıyqty myltyq, úsh tegis uńǵyly myltyq, 5, 56 mm oqtarmen jaraqtalǵan oqsaýyt, teplovızor, lazerlik kózdeý jáne basqa da qarý-jaraqtyń kerek-jaraqtary anyqtalyp, tárkilendi. Derek negizinde QR QK 287-baby boıynsha jeke qylmystyq is júrgizý bastaldy", - dedi oblystyq PD bastyǵy.
Barlyq faktiler boıynsha tıisti saraptamalardy taǵaıyndaýmen tergeý is-sharalary júrgizilýde.