Basshylardyń nazaryna dástúrli tájik kıimderi, kilemderi, matalary, qyshtan jasalǵan sándik buıymdary jáne mýzykalyq aspaptar usynyldy.
Qasym-Jomart Toqaev pen Emomalı Rahmon Tájikstannyń aýyl sharýashylyǵy jáne ónerkásip taýarlarynyń kórme-jármeńkesin aralap kórdi, dep habarlaıdy Almaty-akshamy.kz
Eki el basshylary Tájikstannyń aýyl sharýashylyǵy, ónerkásip ónimderi, qolóner buıymdary men ulttyq taǵamdarynyń kórme-jármeńkesine bardy.
Bul shara Tájikstannyń Qazaqstandaǵy mádenıet kúnderi aıasynda ótip jatyr. Memleketter basshylarynyń nazaryna dástúrli tájik kıimderi, kilemderi, matalary, qyshtan jasalǵan sándik buıymdary jáne mýzykalyq aspaptar usynyldy.
Sondaı-aq jármeńkege jemis-jıdekter, kókónister, qaqtalǵan jemister men kondıterlik ónimder qoıyldy. Qasym-Jomart Toqaev elderimizdiń ekonomıkasy birin-biri tolyqtyratynyn, sondyqtan Tájikstannyń búgingi kórme-jármeńkesi Qazaqstan úshin aıtarlyqtaı qyzyǵýshylyq týǵyzatynyn atap ótti.
Shara aıasynda konserttik baǵdarlamalar, túrli qolóner jáne halyq kásipshiligi boıynsha sheberlik dáristeri uıymdastyryldy. Sonymen qatar elorda turǵyndary men qonaqtary tájik halqynyń ulttyq taǵamdarynyń dámin tatyp kórdi.