Memleket basshysyna óńirlerde atqarylyp jatqan jumystar týraly, Prezıdenttiń bastamalary men saıası reformalaryn halyqtyń keńinen talqylap jatqany týraly málimet berildi, dep habarlaıdy Almaty-akshamy.kz Aqorda saıtyna silteme jasap.
Berdibek Saparbaev ózi qyzmet atqarǵan Jambyl oblysynda oryndalyp jatqan Prezıdent tapsyrmalarynyń nátıjelerin keńinen baıandady. Atap aıtqanda, azamattardyń turmys sapasyn arttyrýǵa, qoǵamnyń yntymaǵy men birligin nyǵaıtýǵa baǵyttalǵan «Asar», «Týǵan jerge taǵzym», «Jomart túlek» jáne «Beıbitshilik pen kelisim» jobalary jaıly aıtyldy. Sonymen qatar Jambyl óńirinde júzege asyrylǵan pılottyq joba týraly málimet berildi. Bul bastamalar árbir otbasynyń ózin-ózi asyraýyna jaǵdaı jasaýǵa negizdelgen.
Berdibek Saparbaev Qasym-Jomart Toqaevqa qýańshylyq jaǵdaıynda aýyl sharýashylyǵyn álsiretip almaı, odan ári damytý jóninde, sondaı-aq jergilikti bılik pen ata-analardyń birlese otyryp, balalardy eńbekke baýlý isin qolǵa alý týraly usynystaryn aıtty.
Kezdesý barysynda jastar arasyndaǵy jumyssyzdyqty sheshý máselesi de talqylandy.