Balalardy qamtý jasy - 7-13 jas.
Mektep janyndaǵy jazǵy lager eki baǵytta qabyldaıdy: tamaqpen tolyq kún jáne tamaqsyz jarty kún. Ekeýi de tegin. Bul týraly onlaın brıfıń barysynda qalalyq bilim basqarmasy basshysynyń orynbasary Qaırat Jumanov málim etti, dep habarlaıdy Almaty-akshamy.kz QazAqparatqa silteme jasap.
Spıkerdiń sózinshe, mektep janyndaǵy lager oqýshylardy 1 maýsymnan bastap qabyldaıdy. Balalardy qamtý jasy - 7-13 jas.
«Jospar boıynsha, mektep janyndaǵy lagermen 26 myń bala qamtylady. Ol eki baǵytta júzege asady: tamaqpen tolyq kún jáne tamaqsyz jarty kún. Barlyq oqýshy úshin ekeýi de tegin», - dedi Qaırat Jumanov.
Sonymen qatar ol balalarǵa arnalǵan qalalyq jáne qala syrtyndaǵy jazǵy lagerler týraly aıtty.
«Qala syrtyndaǵy jazǵy demalys búdjet qarajaty esebinen, sondaı-aq komersıalyq negizde uıymdastyrylady. Saýyqtyrý demalysy, eń aldymen, halyqtyń áleýmettik osal sanatyndaǵy balalarmen qamtylatyn bolady: kóp balaly, az qamtylǵan otbasylardaǵy, erekshe bilim berýdi qajet etetin balalar. Ol úshin búdjetten 270 mln teńge qarastyryp otyr. Búgingi kúni konkýrs jarıalandy. Jalpy, 33 myńnan astam balany qamtý kózdelgen», - dedi spıker.
Budan bólek jazǵy demalys kezinde bilim berý uıymdarynda barlyǵy 1200-ge jýyq úıirme men seksıa jumys isteıtin bolady.