Búgin Astanada Úkimettiń keńeıtilgen otyrysynda Memleket basshysy Qasym-Jomart Toqaev Qazaqstannyń jańa jahandyq ózgerister men tehnologıalyq dáýirge daıyndyǵy týraly aıtty. Prezıdent álemdegi kúrdeli ahýaldyń elimizdiń ekonomıkasy men turmys sapasyna tikeleı áser etetinin atap ótti.
– «Qazir dúnıe júzi túbegeıli ózgeriske ushyrap jatyr. Jahandyq úderister, eń aldymen, elimizdiń ekonomıkalyq ahýalyna áserin tıgizetini anyq. Biz soǵan mindetti túrde daıyn bolýymyz kerek. Jańa tehnologıalyq ahýalǵa saqadaı saı turýymyz qajet. Bul elimizdiń básekege qabiletin arttyryp, turaqty damýyna jol ashatyn asa mańyzdy faktor», – dedi Qasym-Jomart Toqaev.
Prezıdenttiń aıtýynsha, Úkimet pen ákimderdiń jumysynyń nátıjesi ekonomıkanyń damý kórsetkishteri men halyqtyń turmys sapasynan kórinedi. Memleket basshysy ótken jyldyń negizgi mindetteriniń oryndalýyn talqylap, aldaǵy ózekti máselelerdi sheshý joldaryn aıqyndaýdy tapsyrdy.