Memleket basshysy Qasym-Jomart Toqaev Úkimettiń keńeıtilgen otyrysynda ótken jylǵy ekonomıkalyq kórsetkishterge toqtalyp, 2024 jylǵa arnalǵan negizgi mindetterdi aıqyndady. Prezıdenttiń aıtýynsha, 2023 jyl kúrdeli bolǵanymen, el ekonomıkasy jaǵymdy kórsetkishtermen aıaqtalǵan.
– «Byltyr biraz qıyndyq bolǵany ras. Ekonomıkanyń damýyna kóptegen jaǵymsyz faktorlar yqpal etti. Degenmen, biz ahýaldy ýshyqtyrmaı, baqylaýda ustaı aldyq. Jalpy nátıje jaman emes deýge bolady. Biraq jaıbaraqat otyrýǵa bolmaıdy, sheshimin tabýy qajet túıtkilder áli de kóp. Muny sarapshylar da, azamattar da jaqsy biledi», – dedi Prezıdent.
Sonymen qatar, Qasym-Jomart Toqaev Qazaqstan ekonomıkasyn ártaraptandyrý mindeti tıisti deńgeıde oryndalmaǵanyn atap ótti.
– «Ekonomıkamyz Ulttyq qordyń qarjysyna asa táýeldi bolyp tur. Biraq, osy jerde atap ótýimiz kerek, Ulttyq qor – bul memlekettik ekonomıkanyń ajyramas bóligi. Bıznestiń ınvestısıalyq belsendiligi áli de tómen deńgeıde. Bul olqylyqtardy bıyldan qaldyrmaı dereý joıý qajet. Úkimet naqty sharalar qabyldaýy tıis», – dedi Memleket basshysy.
Prezıdent ekonomıkany turaqtandyrý jáne ınvestısıalyq belsendilikti arttyrý baǵytynda Úkimetke naqty tapsyrmalar berdi. Aldaǵy ýaqytta osy saladaǵy túıtkildi máseleler sheshimin tabý úshin shuǵyl sharalar qabyldanatyny belgili boldy.