Budan buryn Memleket basshysynyń Tájikstanǵa jumys saparymen barǵanyn habarlaǵanbyz.
QR Prezıdentiniń sapary osy eldiń basshysy Emomalı Rahmonmen kezdesýden bastaldy, dep habarlaıdy Almaty-akshamy.kz QR IIDM telegram kanalyna silteme jasap.
Kezdesý barysynda Qasym-Jomart Toqaev Emomalı Rahmonǵa qonaqjaılylyǵy úshin rızashylyǵyn bildirdi.
Prezıdent Dýshanbe qalasynda ótetin UQSHU Ujymdyq qaýipsizdik keńesiniń sesıasy men Shanhaı yntymaqtastyq uıymyna múshe memleketter basshylary keńesiniń otyrysynda ózekti jahandyq máselelerdi talqylaý asa mańyzdy ekenin aıtty.
«Qonaqjaı tájik eliniń, Dýshanbe qalasynyń aldaǵy samıtterge daıyndyǵy óte joǵary deńgeıde eken. Bizdiń tarap mınıstrler deńgeıinde qajetti qujattardy pysyqtady. Qol qoıylatyn qujattardy otyrys barysynda jan-jaqty talqylaımyz dep oılaımyn», — dedi Qazaqstan Prezıdenti.
Taraptar ekijaqty formatta da, kópjaqty qurylymdar aıasynda da birlesken is-qımyldardy úılestirýge daıyn ekenin atap ótti.