QR Memlekettik ortalyq mýzeıinde Qala kúnine jáne Qazaqstan Respýblıkasy Táýelsizdiginiń 30 jyldyǵyn merekeleýge arnalǵan «Almaty meniń júregimde» atty balalar shyǵarmashylyǵynyń kórmesi ashyldy.
Mýzeı jyl saıyn respýblıkamyzdyń mádenı astanasy bolyp tabylatyn Almaty qalasynyń tarıhy men qazirgi damýynyń túrli aspektilerin kórsetetin balalar sýretiniń kórmelerin ótkizip keledi. Balalar shyǵarmashylyǵynyń kórmeleri balalarǵa óz tarıhyn, qalamyzdyń búgini men bolashaǵyn, qorshaǵan álemge degen kózqarasyn, sýretter arqyly ózderiniń emosıalary men kóńil-kúılerin jetkizýge múmkindik beredi.
Kórmege Almaty qalasynyń beıneleý stýdıalarynyń, kórkemóner mektepteriniń, bilim berý jáne damytý ortalyqtarynyń talantty, yntaly, jas sýretshileri qatysty: «ArtÝm» balalardy damytý ortalyǵy, «Rembrandt» art-stýdıasy, «Ýmka» balalar bilim berý ortalyǵy, «Genus» balalar ortalyǵy, T.Júrgenov atyndaǵy QazUÓA mektep-ınternaty, «Solnyshko Art-stýdıasy», «Tvorım vmeste» «Ty hýdojnık» sheberhanasy, «ArtMixstudio» shyǵarmashylyq stýdıasy, №68 mektep-gımnazıa, «Podsnejnık» kórkem bilim berý stýdıasy, «Turan» mektep-lıseıiniń «Shabyt» stýdıasy, «Bóbek» UO «Samopoznanıe» gımnazıasy. Kórmege 5-17 jas aralyǵyndaǵy balalar qatysady. Túrli tehnıkalar men janrlarda oryndalǵan óz jumystarynda balalar kóptegen kórikti jerlerdi, mádenıet pen tarıh eskertkishterin, saıabaqtar men skverlerdi, jyldyń barlyq mezgilderindegi tabıǵat sulýlyǵyn, túrli-tústi natúrmorttardy, qalanyń, elimizdiń rámizderin jáne t.b. beınelegen.
Kórme ekspozısıasynda balalardyń ártúrli jáne biregeı jumystary erekshe qyzyǵýshylyq týdyrady: Narynova Aneldiń «Almaty – meniń mahabbatym», «Botanıkalyq baq», Narynov Taıyr «Tuńǵysh Prezıdent saıabaǵy», Spısyna Albına «Almamen ájem», Dashkevıch Lıdıa «Dalanyń jańǵyrýy», Volskaıa Ekaterına «BAO», Krıvko Alına «Respýblıka jetistikteri», Markına Elızaveta «Qapshaǵaı sýlary», Mýrdýnov Islamjan «Alma-Arasan» jáne 100-den astam balalardyń jumystary qoıylǵan.
Kórme 2021 jyldyń 30 qyrkúıegine deıin jalǵasady.