Qazaqstan Prezıdenti tájikstandyqtardy Táýelsizdiktiń 30 jyldyǵymen quttyqtady
Qasym-Jomart Toqaev jeke óziniń jáne barsha qazaqstandyqtardyń atynan Tájikstan Prezıdenti Emomalı Rahmondy, sondaı-aq búkil tájik halqyn Táýelsizdiktiń 30 jyldyǵymen quttyqtady, dep habarlaıdy Almaty-akshamy.kz Akorda.kz silteme jasap.
«Baýyrlas Tájikstan bul aıtýly kúnge halyqaralyq arenada mańyzdy ról atqaratyn bedeldi memleket retinde jetip otyr. Qurmetti Emomalı Sháripuly, álemdik qaýymdastyq Sizdi memlekettilikti nyǵaıtýǵa jáne el azamattarynyń ál-aýqatyn arttyrýǵa úles qosqan, naǵyz jalpyulttyq kóshbasshy retinde tanydy», – dep jazdy Qazaqstan Prezıdenti.
Qasym-Jomart Toqaev Qazaqstannyń Tájikstanmen ǵasyrlar boıǵy dostyqty, ózara qoldaý men jan-jaqty yntymaqtastyqqa negizdelgen baılanystardy nyǵaıtýǵa basa mán beretinin atap ótken.
«Biz ózara kúsh jumyldyra otyryp, elderimiz arasyndaǵy kópjaqty yqpaldastyqtyń qarqyndy damýyna tyń serpin bere alamyz jáne qazaq-tájik strategıalyq seriktestigi men odaqtastyǵynyń kókjıegin keńeıtemiz», – delingen jedelhatta.
Qasym-Jomart Toqaev Emomalı Rahmonnyń asa jaýapty memlekettik qyzmetine tabys tilep, baýyrlas Tájikstan halqynyń ósip-órkendeı berýine nıettestik bildirdi.