Juqtyrý deńgeıi tómendedi, biraq bosańsýǵa bolmaıdy.
Almaty áli de «qyzyl» aımaqta. Qalanyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń brıfıńinde turǵyndardy sanıtarlyq-epıdemıologıalyq talaptardy saqtaýǵa shaqyrdy, dep habarlaıdy Almaty-akshamy.kz.
Jandarbek Bekshınniń aıtýynsha, juqtyrý deńgeıi tómendedi, biraq bosańsýǵa bolmaıdy. Pandemıa bastalǵaly COVID-19 ınfeksıasynyń 155 739 rastalǵan jaǵdaıy tirkeldi.
«Tynyshtalýǵa áli erte, jumysty jalǵastyrýymyz kerek, dert juqtyrý sany áli de joǵary. Qala áli de «qyzyl» aımaqta. Bizdiń mindet – dertti shekteý sharalaryn qoldaný arqyly tómendetý. Munda bárimiz jaýapkershilik tanytýǵa tıispiz – kásipkerler de, turǵyndar da », - dedi Almaty qalasynyń bas sanıtarlyq dárigeri.
Aıta keterligi, almatylyqtardyń bir bóligi ekpe saldyrmaı, densaýlyqtaryna qaýip tóndirse, epıdemıologtar koronavırýstan qorǵanýdyń jańa joldaryn izdestirýde.
Qabyldanǵan sharalardyń nátıjesinde Almatyda koronavırýs boıynsha epıdemıologıalyq jaǵdaı turaqtaldy. Qala turǵyndary arasynda aýrý jaǵdaıynyń tómendeýi 25 tamyzdaǵy 1605-ten 8 qyrkúıekke 976-ǵa deıin tirkeldi.
«Bul tómendeý búginde Almaty turǵyndarynyń 46% ımýndyq qabatynyń qalyptasýyna baılanysty. Qazirgi ýaqytta koronavırýsqa qarsy kúnine 3 myńǵa jýyq adam vaksınalanady, bul bir aı buryn kúnine 10-12 myńǵa jýyq adamǵa vaksınalanǵannan áldeqaıda az»,-dedi megapolıstiń bas dárigeri.
Búginde vaksınasıamen qamtý birinshi komponentpen - 45% - 899 784 adamdy, ekinshi komponentpen - 39% - 779 870 adamdy qurady, bul qalada indettiń taralýyn táýligine 970-1200 jaǵdaı deńgeıinde ustap otyr. Qala turǵyndarynyń aldynda vaksınalanǵandardyń sanyn múmkindiginshe tezirek 75%-ǵa deıin jáne odan da kópke jetkizý mindeti tur.
Jandarbek Bekshın vaksınalardyń tıimdiligine kúmándanýdy toqtatýǵa shaqyrdy. Onyń pikirinshe, egde jastaǵy adamdardyń vaksınalanýy óte mańyzdy. Sonymen qatar, megapolıstiń bas sanıtarlyq dárigeri jastardy tártipke shaqyrdy, óıtkeni olar – koronavırýstyń gıper taratýshylary.
«Biz vaksınalar 100 paıyz qorǵaýdy qamtamasyz etpeıtinin túsinemiz. Alaıda, olardyń «delta» shtammyna qarsy turýy 80%-dan asady. Vaksınalanǵan almatylyqtardyń aýrýhana tósegine 20 ese az túsetinin atap ótkim keledi», - dedi Jandarbek Bekshın.
Jalpy, jyl basynan beri 137,2 myń KVI jaǵdaıy tirkeldi, tamyzda - 46,9 myń jaǵdaı, qyrkúıek aıynyń basynan beri tirkelgeni - 8 916 jaǵdaı.