Qasym-Jomart Toqaev Kaspi.kz kompanıasynyń negizin qalaýshylar Vácheslav Kım men Mıhaıl Lomtadzeni qabyldady, dep habarlaıdy aqshamnews.kz
Prezıdent Qasym-Jomart Toqaev Kaspi.kz kompanıasynyń qyzmeti týraly jáne shaǵyn jáne orta bıznesti damytýǵa arnalǵan jańa servısti qurý jospary jaıly málimet aldy.
Usynylǵan aqparatqa sáıkes, búgingi tańda 700 myńǵa jýyq otandyq kásipker óz bıznesin Kaspi.kz tehnologıalarynyń kómegimen damytyp jatyr. Bıylǵy birinshi jartyjyldyqta taýarlar men qyzmetter úshin 12 trıllıon teńge kóleminde qolma-qol aqshasyz tólem jasalyp, 150 myń jeke kásipker tirkelgen.
Memlekettik organdarmen birlesip ázirlengen onlaın-servısterdiń arqasynda qazaqstandyqtar salyqtardy ýaqytynda tóleý múmkindigine ıe boldy. 2024 jyldyń alǵashqy alty aıynda osy qyzmetter arqyly búdjetke 1,1 trıllıon teńgeden astam salyqtar men basqa da tólemder túsken.
Qasym-Jomart Toqaev elimizdegi shaǵyn jáne orta kásipkerlikti damytý mańyzdy ekenin atap ótip, Kaspi.kz aksıonerlerine qoldaý bildirdi.