19-25 tamyz aralyǵynda balalar jaraqatynyń aldyn alýǵa, sondaı-aq jol-kólik oqıǵalarynyń ósýin azaıtýǵa baǵyttalǵan “Qaýipsiz jol” respýblıkalyq jedel aldyn alý is-sharasy ótýde.
Búginde Almatyda 215 memlekettik bilim berý mekemesi bar, dep habarlaıdy aqshamnews.kz Polisia.kz-ke silteme jasap.
"Bul kezeńde jol jelisin zertteý júrgizildi. Jol qozǵalysyna qatysýshylardyń nazaryn aýdarý úshin 150 jol belgileri aýystyryldy jáne ornatyldy, 1 myń 618 jol belgilerine qyzmet kórsetildi. 207 rettelmeıtin jaıaý júrginshiler ótkelderi men jeke jobalanǵan pannolar LED-jaryqtandyrýmen jabdyqtalǵan. Balalardyń qaýipsizdigin qamtamasyz etý jáne balalardyń jaraqattanýyn boldyrmaý úshin 101-shi bilim berý mekemesiniń aýdanynda temir qorshaýlar ornatyldy", – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Baıandamashynyń aıtýynsha, bıylǵy jyly 16 baǵdarshamnyń jáne shaqyrý túımesi bar, basqarylatyn 25 jaıaý júrginshiler ótkeliniń qurylysy aıaqtaldy, onyń 6-y mektep aýmaǵynda ornalasqan. “Vision Zero” tujyrymdamasyn iske asyrý úshin keshendi sharalar qoldanylýda. Onyń negizgi maqsaty – joldarda, oqý oryndarynyń aýmaqtarynda, adam kóp shoǵyrlanatyn jerlerde, sondaı-aq tótenshe jaǵdaılar aımaqtarynda ólim-jitim deńgeıin tómendetý, jol qozǵalysyna qatysýshylardyń qaýipsizdigin qamtamasyz etý. Máselen, kósheni ortasha jóndeý aıasynda 20-dan astam jasandy dóńes pen 10 mys ornatyldy.
"Ata-analar shette qalmasa, barlyq josparlanǵan is-sharalar barynsha paıda ákelýi múmkin. Balanyń ómiri men densaýlyǵyn baǵalaıtyn árbir adam ýaqyt taýyp, oqý jyly bastalǵanǵa deıin onymen birge úıden mektepke deıin júrýi, qaýipsiz joldy tańdaýy jáne kórsetýi qajet, joldan, qıylystan qalaı ótý kerektigin aıtýy kerek", – dedi, Asqat Qulbaev.