Qazaqstan Prezıdenti Qasym-Jomart Toqaev Úkimettiń qosylǵan qun salyǵynyń (QQS) mólsherlemesin arttyrý týraly bastamasyn qoldaıtynyn málimdedi. Memleket basshysy salyq júıesin reformalaýdy mańyzdy dep esepteıtinin atap ótti, dep habarlaıdy aqshamnews.kz.
– «Jumysty bastańdar. Reforma qajet dep esepteımin. Biraq qazirgi kezde aldymyzda Ulttyq qordan transfertterdi azaıtý, onyń jınaqtaý fýnksıasyn kúsheıtý mindeti tur. Jınaqtalǵan qarajatty iri ınfraqurylymdyq jobalardy qarjylandyrýǵa baǵyttaýymyz qajet. Osylaısha biz memlekettiń damýǵa baǵyttalǵan fýnksıasyn kúsheıtemiz. Meniń oıymsha, bul máseleni tereńirek zerdeleýimiz kerek», – dedi Prezıdent.
Bul qadam salyqtyq túsimderdi ulǵaıtý jáne Ulttyq qordyń jınaqtaý qabiletin arttyrý arqyly memlekettiń ekonomıkalyq turaqtylyǵyn qamtamasyz etýge baǵyttalǵan. Prezıdenttiń aıtýynsha, jınalǵan qarajat eldiń ınfraqurylymyn damytý jáne ekonomıkany ártaraptandyrýǵa jumsalýy tıis.
Qosylǵan qun salyǵyn kóterý máselesi úkimet deńgeıinde jáne sarapshylardyń qatysýymen talqylanatyn bolady. Bul sharanyń shaǵyn jáne orta bızneske qalaı áser etetini de egjeı-tegjeıli zerttelmek.