Otbasylyq zorlyq-zombylyqqa kóz juma qaraýǵa bolmaıdy - QR Prezıdenti Qasym-Jomart Toqaev.
Bul másele QR Prezıdenti Qasym-Jomart Toqaevtyń búgingi Joldaýynda aıtyldy, dep habarlaıdy Almaty-akshamy.kz.
«Otbasylyq zorlyq-zombylyqty qylmys sanatyna jatqyzý máselesi qoǵamda kópten beri talqylanyp júr. Quqyq qorǵaý organdary bul usynystyń durys ekenine kúmánmen qaraıdy. Sebebi, mundaı turmystyq jaǵdaılardy anyqtaý ońaı emes, ıaǵnı osyndaı oqıǵalardy tergep-tekserý qıynǵa soǵady. Bul sózdiń de jany bar. Biraq qalaı desek te, otbasylyq zorlyq-zombylyqqa kóz juma qaraýǵa bolmaıdy. Otbasynda oıran salatyndar jazaǵa tartylmasa, olar odan beter basynyp ketedi. Al japa shekkender múldem qorǵaýsyz qalady.
Mundaı áreketter úshin jazany kúsheıtetin kez keldi dep sanaımyn. Zardap shekken jandar eldiń sózinen nemese bireýdiń qysym jasaýynan qoryqpaýy qajet», - dedi Memleket basshysy.