"Meniń basty maqsatym – ekonomıkada bolsyn, saıasatta bolsyn, monopolıany meılinshe joıý". Bul týraly «QAZAQSTAN» ulttyq telearnasyndaǵy suhbaty kezinde Memleket basshysy Qasym-Jomart Toqaev málim etti, dep habarlaıdy Almaty-akshamy.kz
«Sońǵy kezde olıgopolıa degen termındi kóp paıdalanyp júrsiz. Endi ony kópshilik áli túsine qoıǵan joq. Dúıim jurttyń bári ony tolyǵymen túsinedi dep aıtý qıyn. Túptep kelgende, bul sózdiń maǵynasy nede? Sony aıtyńyzshy?», - dep surady tilshi.
Osy oraıda Prezıdent «olıgopolıa» bul ekonomıka salasyndaǵy sany shekteýli adamdardyń ústemdigin bildiretinin aıta kele, bizde osyndaı úrdis beleń alyp jatqanyn, kópshilik, ásirese, kásipkerler ony jaqsy biletinin atap ótti.
«Bul shynaıy básekege, jalpy aıtsaq, ádilettilikke kedergi bolyp otyr. Osy máseleni sheshpesek, ekonomıkamyz damymaıdy, ishki saıası ahýal múldem nasharlap ketedi. Sondyqtan meniń basty maqsatym – ekonomıkada bolsyn, saıasatta bolsyn monopolıany meılinshe joıý. Odan birjola qutylǵan jón. Bul, árıne, ońaı emes, biraq mindetti túrde osy jumysqa kirisýimiz kerek. Basqa jol joq», - dedi Qasym-Jomart Toqaev.