Memleket basshysy Qasym-Jomart Toqaev «QAZAQSTAN» telearnasyna bergen suhbatynda shetelge zańsyz shyǵarylǵan qarajatty Qazaqstanǵa qaıtarý jumystary týraly aıtyp berdi, dep habarlaıdy Almaty-akshamy.kz
«Siz Úkimettiń otyrysynda shetelge zańsyz shyǵarylǵan qarajatty Otanymyzǵa qaıta ákelý kerek dep tapsyrma berdińiz. Bul tapsyrma qashan oryndalady? Sonyń merzimderi týraly aıta alasyz ba?», - dep suraq qoıdy jýrnalıs Jaına Slambek.
«Men Úkimetke tıisti tapsyrma berdim. Bul másele boıynsha Úkimet eki aıdan keıin maǵan naqty usynystaryn aıtady. Sodan keıin jumys bastalady. Atalǵan másele boıynsha aýqymdy saraptama jasaý kerek. Onsyz bolmaıdy. Sodan keıin sheteldegi tıisti mekemelermen kelissózder júrgizýge kirisemiz. Bul óte kúrdeli ári uzaq ýaqytqa sozylatyn jumys bolatyn sıaqty. Ony ashyq aıtqan jón. Biraq ádildikke jetý úshin osy jumysty bastaý kerek. Shetelge zańsyz shyǵarylǵan qarajatty elge qaıtarýǵa tıispiz», - dedi Qasym-Jomart Toqaev.