Memleket basshysyna kásiporynnyń múmkindikteri týraly málimet berildi.
QR Prezıdenti Qasym-Jomart Toqaev Almaty oblysyndaǵy «Mareven Fýd Tán-SHan» kásipornyna bardy, dep habarlaıdy Almaty-akshamy.kz Aqorda saıtyna silteme jasap.
Memleket basshysyna kásiporynnyń múmkindikteri týraly málimet berildi. Kompanıa basshylyǵynyń málimetine sáıkes 4,5 gektar aýmaqty alyp jatqan kásiporynǵa 30 mıllıard teńge ınvestısıa salynǵan. Kompanıa Japonıa, Shveısarıa jáne Germanıadan ákelingen ınovasıalyq qurylǵylarmen tez daıyndalatyn azyq-túlik ónimderin shyǵarady. Jylyna 85 myń tonna ónim shyǵarýǵa múmkindigi bar.
Qazirgi ýaqytta kásiporyn 500 mıllıon qaptama shyǵarsa, sonyń 70 paıyzy eksporttalady.
«Mareven Fýd Tán-SHan» JSHS 670 adamdy jumyspen qamtyp otyr. Onyń 95 paıyzy jaqyn mańdaǵy eldi mekenderdiń turǵyndary.
Budan keıin Qasym-Jomart Toqaevqa oblys ákimi Amandyq Batalov óńirdegi júzege asyrylyp jatqan ınvestısıalyq jobalar men oblystyń áleýmettik-ekonomıkalyq damýy týraly esep berdi.
Oblys ákiminiń aıtýynsha, aımaq ekonomıkasyna 312 mıllıard teńge ınvestısıa tartylyp, 40 myń jumys orny ashylǵan. Bıyl óńirde jalpy quny 112 mıllıard teńge bolatyn 65 joba iske asyrylyp jatyr.
Amandyq Batalov Prezıdenttiń byltyrǵy Germanıaǵa jasaǵan saparynyń nátıjesinde «Baýmann» kompanıasy usaq mal etin óńdeıtin qýaty 30 myń tonnalyq «Jetisý qoı» jobasyn qolǵa alǵanyn habarlady.
Qasym-Jomart Toqaev oblysta atqarylyp jatqan ınvestısıalyq jobalarǵa oń baǵa berip, bastalǵan jumystardy ýaqtyly aıaqtaýǵa tapsyrma berdi.