Qazaqstan táýelsizdiginiń 30 jyldyǵyna arnalǵan aksıa aıasynda úzdik aýlalar anyqtalady.
«Úzdik aýla» baıqaýynda jeńiske jetken Almaty turǵyndary Qala kúni qarsańynda «Tańǵy stýdıo» baǵdarlamasynyń tikeleı efırinde baǵaly syılyqtarmen marapattalady, dep habarlaıdy Almaty-akshamy.kz.
Eske salsaq, úıler, aýlalar men turǵyn úı keshenderi arasynda ótetin «Úzdik aýla» baıqaýyna qatysý Almaty.tv tele arnasynda 28 maýsymda bastaldy. Baıqaý 2021 jyldyń 19 qyrkúıegine deıin jalǵasady. Bul baıqaýǵa qatysý úshin bezendirilgen aýlany, úı aınalasyn 1 mınýttan asyrmaı vıdeoǵa túsirip, ony #úzdikaýla heshtegimen áleýmettik jelilerge júkteý kerek.
Basty eskeretin jaǵdaı: abattandyrý jáne landshafty bezendirýler úıdiń jáne turǵyn úı keshenderiniń turǵyndary tarapynan jasalýy qajet.