Q.Asanbektiń tek bir ǵana tájiniń ózi 500 myń dollar turady.
Ulttyq qaýipsizdik memlekettik komıteti (MUQK) Qamshy Asanbektiń (Kólbaevtyń) uıymdasqan qylmystyq tobyn joıýdyń aldyn ala nátıjeleri týraly aqparat taratty, dep habarlaıdy Almaty-akshamy.kz.
Buǵan deıin habarlanǵandaı, bıylǵy 4 qazanda qarýly qarsylyq kórsetý kezinde «vor v zakone» dep atalatyn uıymdasqan qylmystyq toptyń jetekshisi Qamshy Asanbek ustaldy.
Bastalǵan tergeý barysynda osy qylmystyq toptyń 40-tan astam belsendi músheleri men kóshbasshylary ustaldy, olardyń Q.Asanbek pen onyń qol astyndaǵylardyń bopsalaýy men reıderligi, sondaı-aq basqa da aýyr jáne asa aýyr qylmystar jasaý nátıjesinde alynǵan múlikter men aktıvterdi zańdastyrýǵa qatysy bar.
Q. Asanbek bastaǵan uıymdasqan qylmystyq toptyń qyzmetin taldaý 2008 jyldan bastap onyń ózin jáne oǵan jaqyn adamdardy zańsyz baıytý maqsatymen qylmystyq ımperıany josparly jáne maqsatty túrde qurǵanyn kórsetedi.
Q. Asanbektiń qylmystyq ortadaǵy jaǵdaıy kúsheıgen saıyn onyń zańsyz qarjylyq aktıvteri Qyrǵyzstandaǵy jáne odan tysqary aýmaqtardaǵy orta jáne iri bıznes ókilderi, adal kásipkerler esebinen proporsıonaldy túrde ósti.
Q.Asanbektiń qylmystyq is-árekettegi qarjylyq múddeleri erekshe nazar aýdarýǵa turarlyq, bul qylmystyq uıymda naqty ıerarhıany ornatýmen qatar, olardy zańdy bıznes artynda jasyra otyryp, kóptegen tabysty bıznes qurylymdaryn qurýǵa múmkindik berdi.
Q. Asanbektiń qylmystyq mártebesi men sheksiz qarjylyq resýrstary, sondaı-aq ár ýaqytta jazalanbaı kelýi oǵan eldegi saıası prosesterge áser etýge múmkindik berdi, bul ulttyq qaýipsizdikke eleýli qaýip tóndirdi jáne qazirgi quqyqtyq memlekette oǵan jol berilmedi.
Keıbireýler, sonyń ishinde joǵary laýazymdy sheneýnikter men saıasatkerler, Q.Asanbek tobynyń qylmystyq múmkindikterinen qorqyp, onyń yqpalynda boldy, al keıbireýleri odan dostyq pen qylmystyq bıliktiń qoldaýyn izdedi.
Q. Asanbektiń qylmystyq mártebesi jáne qylmystyq qyzmeti onyń zańsyz baıýyna jáne dollarlyq mıllıarder bolýyna, al onyń týystary men jaqyndarynyń qymbat aktıvterdi, sonyń ishinde olardy zańdy túrde satyp alý úshin naqty qarjylyq qarajaty joq shetelde ıemdenýlerine múmkindik berdi.
Qylmystyq aktıvterin qorǵaý úshin Q. Asanbek jáne onyń jaqyndary zamanaýı atys qarýymen jáne qural-jabdyqtarmen jabdyqtalǵan kúzet agenttikteriniń atyn jamylǵan qarýly toptar qurdy, olardyń bári tergeý barysynda tolyǵymen tárkilengen.
Qylmystyq top jetekshisi Q. Asanbektiń, onyń týystary men jaqyn adamdarynyń zańsyz aktıvterine 850-den astam jyljymaıtyn múlik, atap aıtqanda sándi saraılar, kotejder, elıtalyq klýb úıleri, salynyp jatqan nysandardaǵy kóptegen páterler, demalys ortalyqtary, pansıonattar, meıramhanalar, jer ýchaskeleri, at qoralar, ańshylyq jerler, 60-tan astam qymbat lúks avtokólikter, onyń ishinde brondalǵandary da bar, zergerlik buıymdar jáne basqa da múlikter kiredi.
Tergeý málimetteri boıynsha, Q. Asanbek múlkiniń bir bóligi memlekettik menshikten zańsyz shyǵarylǵan jáne is júzinde adal kásipkerlerden alynǵan. Olardy múddeli memlekettik organdar men zardap shekken adamdarǵa qaıtarý boıynsha jumys júrgiziletin bolady.
MUQK qylmystyq jolmen alynǵan múliktiń bir bóligin memleket kirisine aınaldyrý rásimin bastady. Salynyp jatqan eki nysannyń ózinde Q. Asanbek 700-den astam páterge ıelik etken, olar endi memleket menshigine ótedi.
Q.Asanbek tobyn zańsyz baıytýdyń taǵy bir kózi penıtensıarlyq júıe mekemelerinde ustalatyn adamdardyń, olardyń týystary men qarapaıym kásipkerlerdiń «urylar qazynasyn» tolyqtyrý túrindegi aqshalaryn júıeli túrde jınaý boldy.
Budan bylaı MUQK osyndaı qylmystyq tájirıbeni joıady jáne tıisinshe osy máselege erekshe nazar aýdarady, al árbir fakt boıynsha Ulttyq qaýipsizdik organdarynyń qatań reaksıasy bolady.
Q.Asanbektiń zańsyz jolmen alynǵan barlyq aktıvteriniń buǵattalǵan jıyntyq quny shamamen 1 mlrd AQSH dollaryn quraıdy.
Bul Q.Asanbektiń jáne onyń aınalasyndaǵylardyń zańsyz aktıvterin izdeý jónindegi jumystyń bastapqy nátıjeleri, ol el ishinde de, odan tys jerlerde de, atap aıtqanda Reseıde, Qazaqstanda, Grýzıada, Túrkıada, BAÁ-de (Dýbaı) jáne Japonıada da jalǵasatyn bolady.
MUQK uıymdasqan qylmysqa jáne onyń eldegi kórinisterine qarsy ymyrasyz kúres onyń tolyq joıylǵanǵa deıin jalǵasatynyn eske salady, onyń nátıjeleri turaqty negizde jurtshylyqqa jetkiziletin bolady.
Jańa qylmystyq toptar paıda bolǵan jaǵdaıda ulttyq qaýipsizdik organdary qoldanystaǵy zańnama sheńberinde, olardyń kóshbasshylary taratylǵanǵa deıin qatań sharalar qabyldaıtyn bolady.
Osyǵan baılanysty MUQK uıymdasqan qylmys kóshbasshylary men belsendi músheleriniń zańsyz áreketterinen zardap shekken barlyq azamattar men bıznes-qoǵamdastyq ókilderin tıisti sharalar qabyldaý, ádilettilikti qalpyna keltirý jáne zardap shekkenderge keltirilgen zalaldy óteý úshin MUQK-ne habarlaýǵa shaqyrady. Baılanys telefondary: 66-04-75, 62-65-04, 0702-68-28-68