Jyl basynan beri kóshi-qon qyzmetiniń qyzmetkerleri tólenbegen boryshtaryna baılanysty sot oryndaýshylarynan jasyrynyp júrgen 160-tan astam azamatty anyqtady
SHQO-da 61 jastaǵy boryshker úsh jyl boıy Almaty qalasynda jasyrynyp júrgen, dep habarlaıdy Almaty-akshamy.kz Polisia.kz-ke silteme jasap.
Kóshi-qon qyzmeti jumysynyń baǵyttarynyń biri atqarýshylyq is júrgizý boıynsha boryshkerlerdi izdestirý bolyp tabylady. Máselen, aǵymdaǵy jyldyń qyrkúıek aıynda Glýbokoe aýdandyq polısıa bóliminiń kóshi-qon qyzmeti bólimine eki mıllıon teńgeden astam qaryzdy ýaqtyly tólemegen 61 jastaǵy boryshkerge izdeý jarıalaý týraly jeke sot oryndaýshysynyń qaýlysy kelip tústi.
«Áıel úsh jyldan artyq ýaqyt boıy qaryzdy tólemeı, Almaty qalasynda jasyrynǵan. İzdestirý is-sharalary barysynda kóshi-qon qyzmetiniń qyzmetkerleri eki aı ishinde boryshkerdiń ornalasqan jerin anyqtady. Endi qaryzdy óndirip alýmen sot oryndaýshylary aınalysady», – dedi SHQO PD bastyǵy Saǵat Madıev.
SHQO PD kóshi-qon qyzmeti atqarý qujatyn oryndamaǵany úshin QR ÁQBtK-niń 669-baby boıynsha ákimshilik jaýapkershilik jáne QR QK-niń 139-baby boıynsha qylmystyq jaýapkershilik kózdelgenin eskertedi.