Bul búgin ótken Úkimet otyrysynda Densaýlyq saqtaý birinshi vıse-mınıstri Marat Shoranovtyń aıtqany.
QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologıalyq jaǵdaı qaraldy, dep habarlaıdy Almaty-akshamy.kz úkimettiń resmı saıtyna silteme jasap.
Densaýlyq saqtaý birinshi vıse-mınıstri Marat Shoranov Qazaqstandaǵy sanıtarlyq-epıdemıologıalyq jaǵdaı jaqsaryp kele jatqanyn aıtty. Álemde KVI-diń 248 mln astam jaǵdaıy tirkelgen, táýligine 300 myńnan astam jaǵdaı tirkeledi. 5 mln astam adam qaıtys boldy. Dúnıejúzilik densaýlyq saqtaý uıymynyń Eýropa aımaǵynyń derekteri boıynsha sońǵy eki aptada 54 eldiń 45-inde syrqattanýdyń ósýi baıqalady. Sońǵy 14 kúnde syrqattaný Vengrıada barynsha ulǵaıǵan, onda aýrý 230%-dan artyq, Polshada – 200%-dan artyq, Avstrıada – 100%-dan artyq, Ázerbaıjan jáne Germanıada – 80%-dan artyq ósken. Syrqattanýdyń ósýi Eýropa DDSU-nyń 9 elinde tómendedi, onyń ishinde Izraılde 57%-ǵa, Túrkıada 9%-ǵa, Ispanıada 7%-ǵa.
«Qazaqstanda sońǵy eki aptada aýrý 11%-ǵa tómendedi. Álemdik reıtıńke sáıkes 222 eldiń ishinde Qazaqstan syrqattaný kórsetkishi boıynsha 105 orynda, ólim-jitim kórsetkishi boıynsha 102 orynda tur», — dedi Marat Shoranov.
Búgingi kúni elimizde jasyl aımaqta 9 óńir bar: Jambyl, Mańǵystaý, Qyzylorda, Túrkistan, Aqtóbe, Batys Qazaqstan, Atyraý, Almaty oblystary jáne Shymkent qalasy. Qazaqstan Respýblıkasy jáne 4 óńir – sary aımaqta (Shyǵys Qazaqstan, Qaraǵandy oblystary, Almaty jáne Nur-Sultan qalalary). Qyzyl aımaqta 4 óńir (Aqmola, Qostanaı, Pavlodar jáne Soltústik Qazaqstan oblystary). Reprodýktıvtilik sany – 0,93. Vıse-mınıstrdiń aıtýynsha, jalpy Qazaqstanda sońǵy eki aıda syrqattaný 2,8 ese, al ólim-jitim 4,1 ese azaıdy. Mektepke dástúrli formatta baratyn oqýshylar arasynda 15 028 jaǵdaı tirkeldi, onyń ishinde aýrýdy juqtyrǵandarmen baılanysta bolǵandar arasynda 1 317 naýqas anyqtaldy, bul aýyrǵan oqýshylardyń jalpy sanynyń 8,7% deıingini quraıdy. Qazan aıynyń sońǵy eki aptasynda oqýshylar arasynda syrqattaný 1,3 ese tómendedi. Sonymen qatar Pavlodar, Aqmola, Mańǵystaý, Túrkistan oblystarynda syrqattanýdyń 1,4 esege deıin ósýi baıqalady.
«Aýrý oshaqtarynda 159 myń aýrýdy juqtyrǵandarmen baılanysta bolǵandar anyqtaldy, onyń ishinde 0,8%-ynda kovıdtiń oń nátıjesi anyqtaldy. Respýblıka boıynsha 1 tamyzdan bastap ınfeksıalyq tósek-oryn júktemesi 56%-dan 33%-ǵa deıin, reanımasıalyq tósek-orny júktemesi 45%-dan 27%-ǵa deıin tómendedi. Rezervte 30 myńnan astam tósek-oryn bar», — dedi vıse-mınıstr.
Emdeýdi jalǵastyrýshylar sany azaıdy, sońǵy úsh aıda naýqastar sany 2 ese azaıdy. Halyqty KVI-ge qarsy vaksınalaý jalǵasýda.
«Vaksınanyń 1-komponentin 8,3 mln astam adam aldy, ıaǵnı ekpe alýy tıis halyqtyń 73,4%-y nemese jalpy halyqtyń 44,3%-y qamtyldy, ekinshi komponentin 7,6 mln jýyq adam aldy, ıaǵnı egilýge tıisti halyqtyń 66,6%-y nemese jalpy halyqtyń 40,2%-y qamtyldy», — dedi Marat Shoranov.