Sabaqqa 27 000-nan astam maman tartylǵan.
Qazaqstandyq áskerıler mamandyq boıynsha daıyndyq kezeńin bastady, dep habarlaıdy Almaty-akshamy.kz.
«Mamandyq boıynsha daıyndyq – áskerı qyzmetshilerdi oqytýdyń negizgi kezeńi. Ol bir aı boıy júrgiziledi jáne jeke quramnyń atqaratyn laýazymdary kóleminde fýnksıonaldyq mindetterin zerdeleýge baǵyttalǵan», - delingen Qorǵanys mınıstrliginiń baspasóz qyzmetiniń habarlamasynda.
Osy kezeńde merzimdi qyzmettegi áskerı qyzmetshiler shtattyq qarý-jaraq pen áskerı tehnıkanyń materıaldyq bóligin, olardy paıdalaný tártibin, jaýyngerlik mashınalardy atý jáne júrgizý qaǵıdalaryn zerdeleıdi. Al kelisimshart boıynsha áskerı qyzmetshiler óz bilimderi men daǵdylaryn jetildiredi.
Sabaqqa 27 000-nan astam maman tartylǵan. Olardy sapaly ótkizý úshin Qarýly kúshterde tıisti ádistemelik daıarlyǵy bar tájirıbeli nusqaýshylardyń basshylyǵymen 2000-nan astam oqý toptary quryldy.
Oqý kezinde ortalyq oryn praktıkalyq sabaqtarǵa arnalǵan. Olar jattyǵý quraldaryn paıdalana otyryp, oqý synyptarynda, sondaı-aq oqý polıgondarynda uıymdastyrylǵan.
Bólimshelerde mamandyq boıynsha daıarlaý komandırler men serjanttardyń basshylyǵymen shtattyq-laýazymdyq taǵaıyndalýyna sáıkes júrgiziledi.
Oqý aıaqtalǵannan keıin jeke quram ótken pánder boıynsha synaqtar men emtıhandar tapsyrady. Sabaqtar aǵymdaǵy jyldyń 8 shildesine deıin jalǵasady.