Qarýly kúshterdiń daıyndyq jospary boıynsha áskerlerde oqýdyń jazǵy kezeńi keshendi taktıkalyq-saptyq sabaqtardan bastaldy.
Quramalar, áskerı bólimder men mekemeler jaýyngerlik ázirlikti joǵary dárejege keltirý kezinde jeke quram men bólimshelerdiń is-qımyldaryn pysyqtaıdy. Eskertý júıesiniń tıimdiligi, dabyl berý kezinde shtabtardyń jumysynyń úılesimdiligi tekseriledi, dep habarlaıdy aqshamnews.kz
İs-sharalardy ótkizý úshin oqý synyptary, dalalyq jaǵdaıda jeke quram men tehnıkany qabyldaý pýnkteri jabdyqtalyp, stasıonarlyq jáne dalalyq oqý-materıaldyq baza daıyndalǵan.
Bólimsheler shoǵyrlanǵan aýdandarǵa shyǵaryldy. Tehnıka men qarý-jaraq jaýyngerlik qoldanýǵa daıyn jaǵdaıǵa keltirildi. Radıotehnıkalyq bólimsheler men zenıttik zymyran keshenderiniń eseptoptary kúsheıtilgen jumys rejımine aýystyryldy. Avıasıa bóligin jedel áýeaılaqtarǵa kóshirý júzege asyrylady. Jaýyngerlik keme ekıpajdary men jaǵalaý bólimsheleri porttar men keme turaqtarynyń dıversıaǵa qarsy qaýipsizdigin uıymdastyrady.
İs-sharalar áskerlerdiń barlyq sanattaǵy áskerı qyzmetshilerdi taǵaıyndaý, odan ári kásibı ósirý jónindegi mindetterdi oryndaýǵa daıyndyǵyn arttyrýǵa baǵyttalǵan.
Jazǵy oqytý kezeńinde oqý-jattyǵýlar, bólimshelerdiń dalalyq shyǵýlary, praktıkalyq atystar, oqý-jattyǵý ushýlary, kemelerdiń teńizge shyǵýy, jaýyngerlik mashınalardy júrgizý, parashútpen sekirý oryndalady.