Qyzmetkerler qaladaǵy qarıalardyń úıine arnaıy baryp, syılyqtardy tabys etti.
«Syılyqtar úshin kóp rahmet. Kútpegen jerden syılyq alý jaǵymdy áser qaldyrady eken. Meniń oıymsha, adam árqashan jaqsy kóńil kúıde júrýi kerek», — dep bólisti megapolıs turǵyny Klara.
«Kóp rahmet. Men sizderdiń arnańyzdy, serıaldaryńyzdy kóremin. Biz, zeınetkerler, serıal qaraǵandy unatamyz. Men 81 jastamyn. Ákem soǵysta qaıtys bolǵan. Men ony kórmedim. Sondyqtan álemde tek beıbitshilik bolǵanyn, soǵys bolmaýyn tileımin», — dedi almatylyq Galına Nıkolaıqyzy Nagaeva.
Qatysýshylar men uıymdastyrýshylar atap ótkendeı, aksıanyń maqsaty — ardagerlerge mereke qarsańynda kóterińki kóńil-kúı syılaý.
«Meniń kóńil-kúıim jaqsy. Men Almatyda dúnıege keldim. Osynda turyp jatqanyma 73 jyl boldy. Qazir zeınetke shyqtym. Meniń oıymsha, qazaqstandyqtar — eń meıirimdi halyq. Men osynda turatynyma qýanyshtymyn. Basqalardyń da elimizdi jaqsy kórgenin qalaımyn. Syılyqtaryńyz úshin arnańyzǵa rahmet», — dedi megapolıs turǵyny Valentına Grıgorııqyzy Chernyh.
«Qarttar kúni qarsańynda qaıyrymdylyq aksıasy jurtshylyqtyń nazaryn qarıalardyń ózekti máselelerine aýdarý maqsatynda ótkizildi. Bul mereke — qoǵamnyń aǵa býynǵa degen qurmeti, rızashylyǵy men súıispenshiligi. Egde jastaǵy adamdarǵa ózderiniń kerek ekenin sezindirý, olarǵa kóńil bólý, qamqor bolý óte mańyzdy», — dep atap ótti telearnanyń bas prodúseri Ralıda Muqanova.
Halyqaralyq qarttar kúni jyl saıyn 1 qazanda atap ótiledi. Bul mereke álemde alǵash ret 1991 jyly atap ótildi. Ol BUU Bas Assambleıasynyń 45-sessıasynda Halyqaralyq qarttar kúni dep bekitildi. Osydan keıin Halyqaralyq qarttar kúni degen ataý qabyldandy.
Aıta ketý kerek, qaıyrymdylyq aksıasyna seriktesterimiz «UNILACTIS DISTRIBUTION» JSHS JLC ónimderimen qoldaý kórsetti.