2 qazan kúni Almatyda turaqty damýdy ilgeriletýge arnalǵan Orange BeNeLux Bicycle Tour qalalyq velosherýi ótetinin habarlaımyz. Velosherýge 16 jastan asqandar qatysady. Jalpy qashyqtyǵy – 15 shaqyrym. Velosherý saǵat 9:00-de Rozybakıev kóshesindegi MEGA Center Alma-Ata saýda-oıyn-saýyq ortalyǵy aýmaǵynda bastalady. Odan ári baǵyt Ál-Farabı dańǵylynyń boıymen jalǵasady.
Osyǵan baılanysty Rozybakıev kóshesi – Levıtan kóshesinen Malahov kóshesine deıin saǵat 6.00-den 10.00-ge deıin, ál-Farabı dańǵyly (ońtústik jaǵy) - Rozybakıev kóshesinen Nazarbaev dańǵylyna deıin shyǵys baǵytta saǵat 9.00-den 9.30-ǵa deıin (velosherý júrip ótken saıyn qozǵalys ashylyp otyrady), Ál-Farabı dańǵyly Nazarbaev dańǵylynan Rozybakıev kóshesine deıin batys baǵytta - 9.05-ten 10.00-ge deıin jabylady.
Velosherýdiń bastamashysy – Qazaqstandaǵy Nıderlandy Koróldiginiń Elshiligi. Velosherýdiń uıymdastyrýshylary – Qazaqstan velosport federasıasy men Qazaqstan trıatlon federasıasy. İs-shara Almaty qalasy ákimdiginiń qoldaýymen ótedi.
Orange BeNeLux Bicycle Tour myna ıdeıalardy usynady:
• velosıpedterdi kólik quraly retinde paıdalaný men jol qaýipsizdigin jaqsartý, sonymen qatar olardy turaqty utqyrlyq pen kólik ınfraqurylymyn josparlaý men jobalaýǵa biriktirý;
• barlyq adam úshin (erler men áıelder, eresekter men kámeletke tolmaǵandar) dene tárbıesin, salaýatty ómir saltyn, aýrýdyń aldyn-alýyn, dene jáne psıhıkalyq densaýlyq pen salaýattylyqty nyǵaıtýdy nasıhattaý;
• toleranttylyqty, ózara túsinistikti jáne áleýmettik ıntegrasıany nasıhattaý.
Velosherýge 1000-ǵa jýyq adam qatysady.
Velosherýden keıin AlmaU Ýnıversıtetinde Nıderlandy Koróldiginiń Elshiligi men Urban Forum Kazakhstan qoǵamdyq qorynyń uıymdastyrýymen paneldik pikirtalas ótedi. Talqylaý velosıped ınfraqurylymy men oǵan qatysty taqyryptarǵa arnalady. Sonymen qatar, qatysýshylarǵa Dutch Cycling Embassy uıymynyń «Ozyq tájirıbe. Nıderlandydaǵy velosıped mádenıeti» kitabynyń úsh tilde basylǵan shekteýli danalary beriledi. Talqylaýǵa Urban Forum Kazakhstan, Nıderlandy jáne t.b. sarapshylary qosylady.
Kúni men ýaqyty: 2 qazan, 09:00 – velosherýdiń bastalýy, 11:00 – paneldik pikirtalastyń bastalýy
Ótetin orny: Mega Center Alma-Ata saýda-oıyn-saýyq ortalyǵy, AlmaU Ýnıversıteti
#BeNeLuxBicycleTour #BeNeLuxTourKZ
Turaqty damýdy ilgeriletýge arnalǵan
Orange BeNeLux Bicycle Tour
BAǴDARLAMASY
Kúni men ýaqyty:
2022 jylǵy 2 qazan, 9:00
Bastalý men aıaqtalý orny:
MEGA Center Alma-Ata saýda-oıyn-saýyq ortalyǵy
|
08:15 – 08:50 |
Qatysýshylardyń jınalýy, ınstrýktaj |
|
09:00 |
Velosherýdiń bastalýy |
|
09:40 |
Fýrshet |
|
09:45 – 10:00 |
Alǵy sózder |
|
10:00 |
Velosherýdiń aıaqtalýy |
|
10:10 – 10:30 |
Utys oıyny |
|
11:00 – 12:00 |
Velosıped mádenıeti men ınfraqurylymy týraly paneldik pikirtalas. Ótetin orny – AlmaU Ýnıversıteti. Uıymdastyrýshylar – Nıderlandy Koróldiginiń Elshiligi jáne Urban Forum Kazakhstan qoǵamdyq qory Moderator: Ádil Nurmaqov, Urban Forum Kazakhstan |