Prezıdent Joldaýyna qatysty pikirdi Almaty-akshamy.kz Assembly.kz-ke silteme jasap usynady.
QR Prezıdenti Joldaýynda alǵy sózin jer betin jaılaǵan adamzattyń kóńilin alańdatyp, biraz elderdi,onyń ishinde bizdiń elge qaýip týdyrǵan indetke toqtalyp, odan elimizdi aman alyp shyǵýdyń joldarymen bastaýy talaı qazaqstandyqtardyń júregin jylytty dep oılaımyn. Prezıdent joldaýyn biz Analar qaýymy da zor yqylaspen tyńdap, tolǵanyspen qabyldadyq.
Ásirese, "Ańsaǵan sábı" baǵytynda ár shańyraqqa shattyq syılar bala súıý baqytyna qol jetkizýge qoldaý, balalardy qorǵaý baýyr eti balalarymyzdy kez kelgen zorlyq zombylyqtan qorǵaý ózekti máselesi ultymyzdyń sapasyn arttyrýdaǵy basty baǵyttyń biri ekenin, "Otbasy" baǵytyndaǵy "Turǵyn úı qurylys jınaq banki" arqyly baspanaǵa qol jetkizýdi sýbsıdıalaý, densaýlyq, jer-sý, ekologıalyq tazalyq sıaqty kóptegen áleýmettik salalardy damytýǵa baǵyttalǵan jumys josparlary kóńilden shyqty. Prezıdenttiń qoǵamdy damytýdy josparlaıtyn agenttik jaıly aýylsharýashylyǵyn damytýǵa aıryqsha basymdyq berýi: "Aýyl - El besigi" baǵdarlamasy jalǵasatyny, aımaqtardyń damýyna erkindik berý, turǵyn halyqtyń usynystaryn qabyldaý, urpaq tárbıesinde bilim sapasy men ǵylymǵa bet burý óte bir jańa baǵyttar boldy. Al endi Bank qyzmeti, Úsh taǵandaı sot, prokýratýra, polısıa qyzmeti, Medıasıanyń ulttyq sıpaty jáne memlekettik qyzmetshilerge jasalatyn irikteý-qysqartý reformalary óte tıimdi sheshim boldy dep oılaımyn. Sebebi "Sany kóp sapasy az" qyzmetshilerden góri az bolsa da sapaly bilikti kadrlar qyzmet istese, bolashaqtaǵy sybaılas jemqorlyqsyz qyzmet pen qoǵamnyń damýyna oń nátıjesin beretinine senim mol. "Adam balasy bir birinen aqyl,bilim,ar minez degen qasıetterimen ozady" dep Abaı aıtqandaı Prezıdent Joldaýyndaǵy ár taraý oıdan shyqty. Óıtkeni, biz analar árdaıym osy salalar qyzmet etetin tirliktiń báriniń basy qasynda júrip, tikeleı baılanysta bolamyz. Prezıdent atap kórsetken: Tereń bilim, temirdeı tártip, ádildik, adaldyq, ysyrapshyldyqqa jol bermeý, bósteki eseptik taǵy basqa azamattyq ustanymǵa tán adamı qyrlar bizdiń Analar qaýymynyń da urpaq tárbıesindegi basty ustanymy. Sondyqtan ár býynnyń mańdaıyndaǵy ártúrli synaqtarǵa qaramastan kúrdeli mindet údesinen shyǵý úlken jaýapkershilik júkteıdi. Biz Analar qaýymy, ult sapasyn arttyrýda jańarǵan, jańǵyrǵan "Abaı ańsaǵan azamat" tárbıeleýimiz kerek. Soǵan yqpal jasap,úlesimizdi qosa bileıik.