Sýrette óziniń ólimine múmkindiginshe jaqyn qart arystan tur.
Ómiriniń eń jaqsy jyldarynda ol tek aıbat shegý arqyly barlyq ańdardyń qorqynysh sezimin oıatatyn. Biraq qazir ol qartaıǵan jáne áreń qozǵalady, ań aýlaýǵa esh murshasy joq.
Onyń qabyrǵalaryna qarańyz. Qarańyzshy, ol qanshalyqty juqa jáne basy kishipeıildilikpen tómen túsirilgen - ol munyń sońy ekenin túsinedi.
⠀
Siz arystannyń bul beınesin aqyldy qarıanyń ólim sáti retinde túsindire alasyz. Arystan tynysh jáne ólimniń kózine týra qaraıdy.
Ol aıqaılamaıdy nemese dúrbeleń shyǵarmaıdy, jaı kelesi sátti kútedi. Budan keıin tynyshtyq ornaıtynyn biledi. Endi aýyrsyný nemese ashtyq bolmaıdy.
Qandaı da bir maǵynada ár adamnyń taǵdyry osy arystanǵa uqsaıdy. Sondyqtan sizge birneshe suraqtar qoıýǵa ruqsat etińiz:
⠀
Siz ózińizdiń baılyǵyńyzben maqtanasyz ba?
Siz ózińizdiń sulýlyǵyńyzben maqtanasyz ba?
Siz ózińizdiń bedelińizdi maqtan tutasyz ba?
Siz ózińizdiń jetistikterińizben maqtanasyz ba?
⠀
Bir kúni munyń bári eshqandaı maǵynasyz bolatyn kún keledi.
⠀
Aıtpaǵymyz, sizge de, bizge de bir kúni dál osy arystan sıaqty sońǵy sátpen betpe-bet keletin sát týady. Dál osy arystan sıaqty bir kúni siz ótkenińizdiń kóleńkesine aınalasyz.
Bul arystan sıaqty bir kúni ýaqyt ólsheminde býlanyp ketesiz. Dál osy arystan sıaqty, siz bir ret ólimniń kózine qarap, ony qabyldaısyz, óıtkeni siz burynǵydaı kúshti bolmaısyz.
⠀
Bir kúni búkil súrgen ómirińiz kóz aldyńyzdan jarq etip óte shyǵady. Sol jarqyl sizdi sońǵy sátte ókindirmes úshin, qazirden bastap oılanyńyzdar. Dandaısymańyzdar, jastardyń aldyna túsip aldyn oramańyzdar, baılyq pen mansap úshin saqaldaryńyzdy satpańyzdar. Urpaqtaryńa kóje-qaryndy toıdyrý úshin tárbıe bermeńizder kóńil qaryndy toıdyratyn rýhanı azyq bolatyndaı nasıhat jasap otyrýlaryńyz kerek. Myna jerdiń betinde adamdar baı kedeı bolyp bólinýi múmkin al qara jerdiń qoınaýynda Allanyń quzyrynyń aldynda jas ta kári de baı da kedeı de birdeı bolady.
Sondyqtan adamnyń tek qana ne jasaımyn dese de tiri kezinde ǵana múmkindigi bolady. Bizdiń ómirge kelýdegi eń basty maqsatymyz ol ishý, jeý, tyshý, qydyrý, toı toılaý, urpaq kóbeıtý ǵana emes ekenin uǵynýymyz kerek sebebi adamnyń maqsaty tek osy ǵana bolsa onda ózi úshin jýsaǵan haıýannan qaı jerimiz artyq bolar edi!?
Biz kázir burynǵy aqsaqaldardan ajyrap qaldyq. Buryn búkil bir aýyldy jalǵyz qarıa bıleýshi edi kázir bir aýyl túgili bir januıany basqara almaıtyn unjyrǵasy túsken, jaltaq, bedeli joq qalge jettik. Mine sony kórip ósken urpaqtyń da dármensiz, ynjyq, qorqaq bolyp tárbıelenip jatqandyǵy da sondyqtan dep oılaımyn...
Qazaqta "saqalyn satqyn káriden,
eńbegin satqan bala artyq" degen sóz teginnen tegin aıtylmaǵan. Biz mynaý qasıetti qazaq ultyn qalaı ustap qalamyz degen ulttyq rýhanı máni bar tárbıeni meılinshe árbir otbasynda jańǵyrtyp jastarǵa baǵyt baǵdar berip otyrýǵa tıistimiz.
Máńgilik eshkim ómir súrmeıdi eshkim shaıtan emes ólmeıtin sondyqtan qudaıdyń aldyna barǵanda seniń bul dúnıede qalaı ómir súrgeniń kim bolyp ómir súrgeniń esh mańyzdy emes másele qudaıdyń aldyna kim bolyp baratyndyqtaryńda jatyr.
Biz burynǵy ótip ketken ata-babalarymyzben kúni búginge deıin ne úshin maqtanamyz? Sebebi olar bizge osynaý ulan ǵaıyr jerdi shashaý shyǵarmaı jankeshtilikpen qorǵap amanat etip qaldyryp ketkeni úshin, qazaqtyń salt-dástúrin, ádep-ǵurpyn, mádenıetin, tarıhyn, tilin, dinin de saqtap jetkizip ketkendigi úshin bas ıip taǵzym etemiz, túsinemiz, sezinemiz, bilemiz árqashan jadymyzda turatyny sondyqtan.
Al kázir biz keleshek urpaqtyń aldynda ne dep maqtanamyz!?
Ań ekesh ańnyń da óziniń belgili bir terıtorıasy bolady belgilenetin ony ol qasyqtaı qany qalǵansha eshkimge bermeıdi, ólgenshe qorǵaıdy. Arystannyń da shıbórilerdiń qorshaýynda qalatyn kezi bolady biraq ony ózge arystandar kórip turyp shıbórilerge talatyp qoımaıdy ǵoı. Shıbóriler arystannyń ań patshasy ekenin bilip onyń taǵy úshin talamaıdy, shıbórige eń mańyzdysy ol emes arystannyń astynda shalajansar ılenip jatqan ólekse ǵana mańyzdyraq. Sondyqtan arystan qartaısa shıbórilerge onyń kezinde qaharly, aıbarly, azýly bolǵany qyzyq bolmaı qalady.
Ómir degen qozǵalys osylaı alasapyran alma ǵaıyp dúnıede alma kezek jalǵasa beredi.
Al adamǵa Alladan bergen eń uly nyǵmet bar ol aqyl men bilim. Bizdiń aqylymyz ben bilimimizdiń óresi qaryn sana deńgeıinde qalyp qoımaýy kerek. Biz aqylymyz ben bilimimizdi táýelsizdik úshin erkindik úshin órkenıet úshin sarp ete almasaq qartaıǵan tyrnaǵy men tisi muqalǵan ómirden úmiti qalmaǵan umytylyp joq bolyp ketetin ańnan da aıyrmashylyǵymyz bolmaıdy jáne keler urpaqtyń jadynda qandaı kúıde turamyz erteń qalaı tarıhta iz qaldyramyz?!