Abaı oblysynyń ákimi Nurlan Uranhaev óńirdegi órt alańy aıtarlyqtaı qysqarǵanyn málim etti.
Órtti sóndirý boıynsha jumys táýlik boıy negizinen eki baǵytta – Jernovka, Shúlbi jáne Kashtak aýyly aýmaǵynda júrgiziledi, dep habarlaıdy Almaty-akshamy.kz QazAqparatqa silteme jasap.
Tabıǵı órtti sóndirýge atsalysqan barlyq kúshterdiń arqasynda aıtarlyqtaı nátıjege qol jetkizildi.
Máselen, Kashtak aýylynyń aýdanynda jeke quramnan 200 adam, 30 tehnıka, 3 tikushaq jumyldyryldy. Jernovka-SHúlbi aýdanynda 300 adam, 40 birlik tehnıka jáne 9 tikushaq bar.
«Sońǵy kúnderi órttiń kólemi aıtarlyqtaı azaıǵanyn, órtti sóndirý jumystary turaqty baqylaýda ekenin aıtý kerek», - dedi Abaı oblysynyń ákimi Nurlan Uranhaev.