«Omıkron» shtamy jaqyn arada «deltany» yǵystyratyn bolady. Bul týraly Almaty qalasynyń bas sanıtarlyq dárigeri Qarlyǵash Ábdijabbarova onlaın brıfıń barysynda málim etti, dep habarlaıdy Almaty-akshamy.kz
«Koronavırýstyń jańadan paıda bolǵan «omıkron» shtamy halyq arasynda kóp taraıdy jáne jaqyn arada «deltany» yǵystyrady»,-deıdi ol.
Almatynyń bas sanıtarlyq dárigeri ujymdyq ımýnıtettiń qajetti deńgeıine jetý úshin vaksına alý kerektigin eskertti.
«Almatyda koronavırýsqa qarsy ımýndyq qabat jetkiliksiz jáne shamamen 60%-dy quraıdy (vaksınalanǵandardyń 51,3% + sońǵy jyly aýyryp aýyrǵandardyń 8,2%)»,- deıdi spıker.
Qarlyǵash Ábdijabbarova alǵashqy ımmýndaýdan ótken azamattardy revaksınalaýǵa kelýge shaqyrdy.
«Álemniń jetekshi ǵalymdary men sarapshylarynyń derekteri boıynsha, qoldanystaǵy vaksınalarmen revaksınalaý «omıkron» shtamymen ınfeksıa kezinde asqynǵan jáne ólim jaǵdaılaryn aýrýhanaǵa jatqyzýdan 70%-ǵa qorǵaıdy. Men vaksınalanbaǵan azamattardy ekinshi komponentti alǵannan keıin 6 aıdan keıin qaıta vaksınalaýǵa shaqyramyn. Bul kezeńde qalanyń barlyq turǵyndaryna shekteý sharalarynyń talaptaryn qatań saqtaý, qoǵamdyq oryndarda áleýmettik qashyqtyq pen betperde rejımin saqtaý óte mańyzdy», - deıdi Qarlyǵash Ábdijabbarova.
Spıker 20-30 jas aralyǵyndaǵy jas turǵyndar úshin «omıkron» shtamy qaýipti ekenin tilge tıek etti.
Onyń aıtýynsha, vırýstyń bul nusqasy erekshe jáne osy jastaǵylarǵa áser etedi.
«Koronavırýsty juqtyrǵandardyń úlesi 20 jastan 40 jasqa deıingi adamdar arasynda 16,4%-ǵa, jasóspirimder arasynda 1,1%-ǵa kúrt ósti, bul "omıkron" shtamyna da tán», - dedi ol.