Buǵan qatysty sotqa deıingi tergeý amaldary bastaldy.
"Artsport" baǵdarlamasyn júzege asyrý kezinde júıeli kemshilikter oryn aldy, dep habarlaıdy Almaty-akshamy.kz Almaty qalasynyń prokýratýrasyna silteme jasap.
Almaty oblysynyń prokýratýrasy jetkizýshiler biriniń tarapynan búdjet qarajatyn jymqyrý faktisin anyqtady.
Júıeniń kemshiligi fýtbol klýbynyń dırektoryna oryndalǵan jumys aktilerine jalǵan málimet engizýge múmkindik bergen.
Atalǵan fakti boıynsha bıylǵy 30 mamyrda aýdan prokýratýrasy búdjet qarajatyn urlaý faktisi boıynsha klýb dırektoryna qatysty sotqa deıingi tergep-tekserý jumystaryn bastady.
Sot úkimimen jetkizýshi qylmys jasaǵany úshin kináli dep tanylyp, 3 jylǵa bas bostandyǵyn shekteý jazasy taǵaıyndaldy.
Sonymen qatar sport klýbtary men mádenı úıirmelerdiń salyq zańnamasyn saqtaý máselesi boıynsha tekserý júrgizildi.
Jekelegen jetkizýshiler "Artsport" jumys istep turǵan kezeńinde QQS salyǵyn tóleýshiler retinde qoıylmaǵan.
"Prokýratýra memlekettik kirister departamentine qadaǵalaý aktisin engizdi, nátıjesinde jetkizýshiler 25 mıllıon teńge kóleminde ákimshilik jaýaptylyqqa tartyldy (aıyppuldar tólendi)"-delingen Almaty qalasy prokýratýrasy taratqan habarlamada.