Álemde alǵash ret aǵash sanaǵy 2019 jyly júrgizildi. Jasandy zerde kómegimen.
Bul jaıynda aqshamnews.kz islam.kz portalyna silteme jasaı otyryp habarlaıdy.
Taıaýda bul baǵytta arnaıy júrgizilgen zertteý nátıjesinde Qytaı aýmaǵynda shamamen 142,6 mlrd aǵash bar ekeni anyqtaldy. Bul kórsetkish bir turǵynǵa shaqqanda 100-ge jýyq aǵashtan, al gektaryna eseptegende 689 aǵashtan keledi. El aýmaǵyndaǵy aǵash sanyn bilý óz kezeginde ormannyń ekologıalyq júıesin jáne olar sekvestrleıtin kómirtek mólsherin baǵalaý úshin mańyzdy.
Alaıda, zertteý avtorlary bul sannyń naqty emestigin, dáliregi, olardyń oıynsha, aǵashtar sany bul kórsetkishten de kóp bolýy múmkin ekenin alǵa tartyp otyr. Tyǵyz ormandy aýdandarda aǵashtar ushar bastaryna qarap eskep alynǵan, al bıik ósken aǵashtar qalqalaǵandyqtan orta jáne tómengi jaǵyndaǵy aǵashtardy dál anyqtaýǵa kedergi keltiredi. Ótken 2019 jylǵy baǵalaý boıynsha gektaryna 1052 aǵashtan kelgenin kórsetken.
Budan bólek, ǵalymdar Qytaıdaǵy orman-toǵaılardyń taralý (ıaǵnı, qaı aımaqta sırek nemese kóp) kartasyn jasady. Bul shara eldiń klımat daǵdarysynyń betin qaıtarý jáne ekologıalyq tepe-teńdikti saqtaý úshin qajet. Mundaı kartany jasaý úshin ǵalymdar aýdany 1400 sharshy shaqyrym bolatyn lazerlik kartografıalyq tehnıkany paıdalandy. Aldaǵy ýaqytta Qytaıdaǵy aǵashtar sany edáýir artýy múmkin. Óıtkeni, atalǵan el turǵyndary bıliktiń “Uly jasyl dýal” bastamasymen Gobı jáne Taklamakan shóliniń jańa aýmaqqa taralýynyń aldyn alý úshin jappaı aǵash otyrǵyzyp jatyr. Negizinde «Úsh soltústik» orman beldeýi baǵdarlamasy 1978 jyly bastaldy jáne 2050 jyly aıaqtalýy tıis. Qytaılar el aýmaǵynda uzyn sany 66 mıllıonnan astam aǵashy bar álemdegi eń iri jasandy orman ósirgen el.
Degenmen, onyń shóleıttenýdi boldyrmaýdaǵy paıdasy áli qyzý pikirtalas týdyryp keledi. Zertteýde paıdalanylǵan tehnologıa aǵashtardy sanaýǵa jáne kartaǵa túsirýge kómektesip qana qoımaı, jańa aǵashtardy otyrǵyzý úshin oryndardy tańdaýdy ońtaılandyra alady.